蓋世女俠

如果~~

2011-11-10T01:03:00.002+08:00

如果真的有另一個我們在另一個時空活著的話...你猜他們會是幸福嗎?
如果我們都沒有分開過, 你猜他們現在過得好嗎?

但願............一切安好! 安好已經很好了!!

蓋世女俠 ( 2009 ~

2009-02-13T17:52:00.000+08:00

http://rositor1710.blogspot.com/

謝謝支持....^o^

牛轉乾坤...轉埋個blog.....

2009-01-31T14:57:00.000+08:00

牛轉乾坤.... 新一年...希望...我愛的人同愛我的人都心想事成,身體健康....呵呵.....^.^

轉呀轉呀....快d將霉氣轉走晒..........

連個blog都要轉去第2度啦....因為....
女俠個blog真係撐唔住啦係呢度.....
容量差唔多full左啦...本來真係可以delete減d相簿...但自己又唔捨得喎!!
要比錢加大容量我又唔想喎..嘻嘻...所以採用朋友的建議...去第2度開個blog, 同自己set一個period..例如04年-08年就用呢個blog.之後09年開始就用第2個囉... 加多條link囉..咁..
所以..我會努力去開新的blog啦...^.^

努力啊!!!

壞愛惰

2009-01-22T15:27:00.002+08:00

終於..用左3晚時間...把它消化掉了...
看到虛脫咁滯....
頭十集真係好精彩....之後果十集真係有點捱下去!!
不過權相佑係裡面又真係好鬼得0既!!嘻嘻...
不過...都係果句..做戲咁做啦!

"懲罰背叛愛情者的最好方法,就是徹底忘記,連做夢也不要想起他!!" 哇卡卡..

進補!?

2009-01-14T16:33:00.002+08:00

寒冷的天氣...令人只想待在被窩裡..

前幾日才跟茄華好覺得自己好虛,好似做咩都唔起勁咁...

點知琴日睇電視,有個中醫師話....有一種症狀叫 "亞健康", 即係病與唔病之間, 沒有出現生病的症狀,但又覺得自己唔係健康, 患者..會" 容易疲倦, 精神唔集中, 煩躁"如果你係咁樣就代表你患左..

"亞健康"呢個時候你需要進補..............
所以...我唸..我患左呢個病...因為..每日早上我都係唔願起身的.

哈哈哈...快d買補品比我食啦!!

我愛車衣!!

2009-01-14T16:03:00.003+08:00

哇卞卞...初班差唔多上完啦, 我地已經急不及待咁報左中班..哈哈..(初班都係也也烏), 咁快就學人上中班呢!! ^.^ 我地都好乖呀, 淨係走過1堂咋, 其餘11堂都番足, 女俠真係好少可...唔走堂...

中班3月初就開始啦....哈哈!

p.s 最尾張相係咪好豪邁呢!? 我係度講緊電話..比茄華好..影到tim...

新年禮物

2009-01-12T11:24:00.002+08:00

這是女俠從台回來看見豹紋木盒...是女俠弟弟幫我貼的...呵呵....新年的禮物!?係女俠千里迢迢幫運佢果支魚干的代價啊!!! ^.^ 但真係好靚好0岩我心水呢....嘻嘻...

意式餐廳

2009-01-09T15:59:00.005+08:00

夜晚應該會更靚的...............

黑妞跟 kingbo

2009-01-09T15:44:00.002+08:00

呢2隻小動物是隔壁的妹妹(就是親戚嘛!)...聽說之前在門外的皮皮因受傷而死掉,加上年紀大了吧!? 所以他們家的狗都死光光啦! v~v..說真的,我真的很反對把狗放在外面,我明白總有些人會認為狗是用來看門口的,但不一定放在門外,放在屋內也可以的.除非住在外面是可以不受冷風吹可以不需受酷熱可以不用給陌生的昆蟲咬可以睡得安穩.........所以請大家還是把它們留在屋內吧!!

p.s 我愛上這隻貓咪的屁股.....超有彈性啊! 嘻嘻.

掉落..............?

2009-01-08T13:57:00.002+08:00

呢個車廂唔係坐車的車廂,而係平時搭的"車立"(lift)

我真係覺得好搞笑...點解會有張咁0既通告...

莫非...之前有人試過..踩空掉落!?!?好恐怖 >~<

我愛火鍋

2009-01-02T15:14:00.000+08:00

唔知點解近年愛上打邊爐, 因為打邊爐可以要求好多野, 尤其是海鮮...因為打邊爐方便,只需要將要食的野放入去烚熟佢,熟左就點豉油就搞店...你試下一晚叫呀媽煮蝦煮蜆再煮埋蟹比你食,佢睬你都傻,所以...只有打邊爐或者燒野食先可以一次過滿足晒我的願望...哈哈

台灣打邊爐好開心..多數都係"吃到飽"即係一個價錢任食咁...今晚我地新嘗試這間"飛天",開心的是他多了一樣珍珠蚌,仲有"Haagen-Dazs"同"movenpick(茄華喜歡的)"雪糕.不過就限時2小時,價錢就hk$125/1個人.本來都ok的,可是呢晚超嘈.....隔離果兩台蛋散嘈到仆街!!! 如果今晚係跟我的朋友吃,我相信...會嘈過佢地囉...哈哈哈...^.^

happy new year 2009

2009-01-01T11:47:00.001+08:00

呢晚我地已經沒有像前年擠進人潮中倒數…其實..係無機會啦! 女俠7點15分出關到台,但塞車的司機卻8點45分才到達啊! 身無台紙的女俠唯有呆坐機場裡等……幸好後來都來得及吃過飯出去倒數. 今年跟蝦子餅的姐姐跟呀”唔”(即係爸爸的哥哥的老婆)哈哈..就是親戚就對啦! 太多人都走在天橋上等待101放煙火,所以警察車都不停在兜,追趕我們這些非法停留在天橋上的車輛…所以都幾混亂,結果..還差5分鐘就開始的時間,大家都慢慢地駛上天橋繼而停車或是扮泊位咁…偷雞等待這一刻的來臨….年年都在101放…其實都無咩新花樣,但據知礙於是台北相關的單位把101設為一個旅遊地標的關係,所以必定在此舉行倒數晚會.就像香港時代萍果倒數一樣……

新的一年祝願大家have a nice year啊!!! ^.^
女俠愛的人都發達…哈哈哈哈…

~沉重的工展會~

2008-12-30T11:01:00.000+08:00

罪魁禍首就是呢堆野,就係因為拎呢堆野,搞到女俠第2天四肢無力,拎唔到行李上車,要好心人士幫忙,好狼狽呢! ^~^”
明明女俠媽媽去工展會之前說好只是逛一逛,點知第1個counter佢已經失手咁買左一個package(車仔連9種調味料)….呵呵..之後…唔駛講啦….

p.s 見唔見到有隻多事的小狗在其中啊!? ^.^

假期真好 !!!

2008-12-30T10:19:00.007+08:00

是日廠慶.........休息半天...........

2008-12-24T12:10:00.004+08:00

呢日就娛樂無窮啦,因為跟美麗的老闆共處超過12個小時....仲唔開心屎!!獲益良多定啦! 國內好流行搞比賽, 大家都好踴躍參加, 是晚有好多人表演唱歌, 我只可以講一句, 勇氣可加.

血拚.......................流血不止........................

2008-12-18T11:50:00.000+08:00

可唔可以停止啦...........唔好再減價GA LA....................唔好再同我講有平野買啦!>~<

活著的証明

2008-12-16T16:03:00.000+08:00

活著的證明　　　　　　　　　　　　　　‧王文華

跟朋友去看李奧那多和羅素克洛演的《謊言對決》，散場後她說：「李奧那多和羅素克洛都胖了！」
「聽說羅素克洛為了這部戲刻意增胖23公斤。」我說。
「真是跟當年《千驚萬險》時差太多了！」
「哪一部？」我沒聽清楚。
「《千驚萬險》啊！他演人質談判專家，要救梅格萊恩的老公，最後愛上梅格萊恩！」
「英文片名叫什麼？」我問。
「嗯……好像是『Proof of Life』吧。」
當她講出「Proof of Life」那一剎那，我想起了過往的戀情。

愛情是綁架
我和以前的女友看過《千驚萬險》DVD。我們不喜歡羅素克洛，但喜歡梅格萊恩。事實上，五年級的同學，不論男女，很少不喜歡梅格萊恩的。1989年，她的《當哈利碰上莎莉》，一上映就成為愛情片經典。她在餐廳內假裝性高潮的片段，在很多人的記憶，和臥房中，不斷重播。
《千驚萬險》的英文片名是「Proof of Life」，意思是活著的證明。這是人質談判的術語，指你在談贖金前，要叫綁匪給你看人質還活著的證明，比如說人質拿著今天報紙的照片，或人質講話的VCR。免得你交了贖金，才發現人質早被撕票。
我看前女友看完《千驚萬險》後的結論是：這不只是動作片，也是一部愛情片。
說它是愛情片，不是因為片中羅素克洛愛上梅格萊恩的情節，而是因為愛情，有時就像綁架。
當氣氛對了，比如說，在充滿party氣息的12月，我們總是在毫無準備之下，突然被另一半綁走。
還記得當我們發現自己愛上一個陌生人，而並不確定對方是否愛我的那一刻，心中的驚惶失措嗎？那跟綁匪從天而降地抓住我們，把我們押到陌生的地方，本質是一樣的。
綁匪為了不讓人質看到自己的臉，或藏匿的地方，會在人質頭上罩上布套，讓人質一片漆黑。愛情中，很多時候我們也看不清對方的臉。沒戴布套，依然盲目。
兩情相悅，當然不像綁架。但只要有一方的愛超過另一方，黑暗就籠罩了。你愛他超過他愛你，抱歉，你就變成他的人質！你永遠不知道他綁你的目的是什麼，他在想什麼，他的下一步是什麼，他要帶你去什麼地方，他還有沒有綁別人，他最後會怎麼處置你。
在愛情中，強勢的一方，都是綁匪，所作所為，跟恐怖份子沒有兩樣。弱勢的一方，都是肉票，害怕隨時被撕票，恐懼自己一廂情願地蓋起的真愛世貿大樓，會在一夕間崩塌。
只不過，愛情比綁票更可怕的是：沒有人會來贖你。就算有人，也付不起贖金。你被歹徒綁了，家人會來贖你。你被愛情綁了，根本不會告訴家人。朋友會關心，但你永遠不相信旁觀者清。你覺得他們都對你的情人有偏見，不了解你倆獨特的愛情。朋友付不起贖金，因為那贖金是你的癡心，你的執迷。
比沒有人來贖你更可怕的，是警方也不會介入。綁架犯法，警察會管。愛情，不管是怎樣變質的愛情，都是你情我願。在愛情中，你可能正遭遇比恐怖份子更殘暴的虐待，但沒有霹靂小組會破門而入。因為沒有人加諸的虐待，就沒有人能阻止。愛情中的虐待，大多都是自己給自己的。沒有人會破門而入，因為門一直開著，是你自己不願意走出去。

斯德哥爾摩症候群
但比沒人贖你、沒有警察更可怕的，是你會愛上綁匪，不願結束被綁架的狀態。這不是我變態，這是心理學的分析。1973年8月23日，瑞典首都斯德哥爾摩，兩名搶匪挾持四名銀行行員，與警方僵持五天半後屈服。在最後幾小時，行員抵抗警方的救援行動。事後，行員仍持續關心搶匪的狀況。心理學家把這種愛上綁匪的情結，稱為「斯德哥爾摩症候群」。
在沒有人看好、甚至對方都不看好，的愛情中，我們就像是得了「斯德哥爾摩症候群」，甩開任何拉我們的手，抗拒朋友們的苦口婆心。我們愛上綁匪，雖然他愛的只是金庫的錢。但因為他掌握我們的生殺大權，我們開始迷戀對我們那麼有權力的個體，甚至在分手後仍念念不忘。
「還想他幹嘛，他當初對你那麼壞！」我們都這樣勸過朋友，但被勸的人的反應總是：「唉，你不懂的啦！」我們是不懂，事實上被勸的人也不懂。沒有人懂，愛情是怎麼回事。在愛情的領域，滿腹經綸的人，也在牙牙學語。

謊言來湊熱鬧
我和朋友講到《千驚萬險》，便相約把DVD租來再看一遍。片中，梅格萊恩跟羅素克洛分析他們的三角關係：「如果你騙我，我們是走不下去的。」羅素克洛說：「我當然知道。」
啊，這又觸到痛處了。兩個人要誠實相愛都已經夠難了，更別說如過有一方說謊。許多一見鐘情的美好，最後都葬送在「謊言對決」之中。
朋友和我看到《千驚萬險》中已婚的梅格萊恩愛上羅素克洛，便直接問我：「你和上一個女友在一起時有沒有愛上別人？」
我們雖然很熟，但也沒想到她會在好萊塢電影和可樂爆米花之間問這麼煞風景的問題。我瞪她一眼，沒有回答。但我心知肚明，我和上一個女友在一起時沒有愛上別人。我到今天都還沒有愛上別人。
我是不是也得了「斯德哥爾摩症候群」？我是不是因為這症候群，把身旁明顯的好對象只當做看老電影的哥兒們？我不知道。我剛才不是說，我只是在牙牙學語。

活著的證明
但我知道為什麼當朋友說出「Proof of Life」那三個字時，我會激動不已。因為我猛然意識到：每一段戀情，不管痛苦或美好，不管最後修成正果或兩敗俱傷，不管是綁人還是被綁，不管是千驚萬險或謊言對決，每一段戀情，都是我們的「Proof of Life」。
如何證明我們活過？就是那一段段的愛。我們活過，因為我們愛過。我們愛，所以我們真正活著。有些情人讓我們意興風發，有些對我們凌辱糟蹋。情人來來去去，但發生過的愛意永遠存在。不管結果，都值得驕傲，都值得回憶。
看完《千驚萬險》，我把DVD拿出來，朋友八卦地說：「你知道嗎？梅格萊恩就是因為演這部片，假戲真做，愛上羅素克洛，拋下10年的老公丹尼斯奎德和小孩。最後不但兩頭落空，而且星運從此一獗不振。」
我該怎麼說呢？她勇敢？她背叛？誰有資格去判斷？誰敢保證自己不會做出同樣的事？她是好萊塢的巨星，生活和我們不同。但我敢保證就在這個城市中，類似的故事每一分鐘都在上演。
我沒有回答，只好突然說：「我們來再看一次《當哈利碰上莎莉》吧！」
當哈利碰上莎莉，結果可能是愛情的悲劇，卻永遠是生命的喜劇。呼吸心跳，不足以成為生命的跡象。財富名氣，不能證明我們活著。愛情沒有是非，愛過後沒有輸贏。那每一次千驚萬險的愛情，才是活著的證明。

麻甩仔 ~ 波仔

2008-12-12T11:41:00.000+08:00

終於有時間去睇下契仔啦,成個幾月無見啦,佢又大舊左啦!! 但依然不改愛看電視. 都幾活躍ga, 成日行來行去, 唔知係咪所有小朋友都一樣都鍾意睇魚呢(即係以前女俠飲茶或者食飯,成日都會帶d表弟妹出去魚缸睇海鮮ga),呢晚波仔成日要抱去睇佢爸爸養的水晶蝦!! ^.^

不如下次我地一起去玩具反斗城囉! 係喎..女俠契媽要為你準備一份聖誕禮物tim!^.^你睇下佢拎紙袋個樣,師奶仔咁! 佢出年就要番play group,到時應該更好玩,女俠要好好珍惜跟他見面的日子呢,以後可能真係要幾個月先見到佢一次啦!

畫皮

2008-12-11T14:43:00.000+08:00

呢套戲的影評真係好極端,網上看到有些惡評,有些卻讚到飛起...
女俠覺得睇戲呢d真係好個人...想睇係因為以為畫皮係一套鬼怪片,加上有趙薇和周迅..但之後睇得太投入,忘記左...其實我覺得佢係一套愛情片,你就把它當是個愛情故事吧!!因為如果佢係愛情片,佢將會係滿分啊!^.^

大件事!!!!

2008-12-11T10:45:00.000+08:00

死啦...問題終於發生左啦....以前會想..如果有天blogger要收錢才可以寫blog,我會點呢!? 雖然今日佢唔係擺明要我錢,但係我upload相片的容量已經full左, 如果要再upload相就要比錢去增加容量啦! 所以女俠已經努力睇下有d咩相簿係可以抽番出嚟upload去第2度!! 但係咁樣都係治標唔治本...終會有天我的容量會full的,咁到時..一係比錢一係去第2度繼續寫blog!?!? >~<""""

家有喜喜事

2008-12-10T10:47:00.002+08:00

家有喜喜事 - 出門前

2008-12-08T16:23:00.000+08:00

睡了2個小時的女俠,今天還撐著這雙高跟鞋...真係擁你命!!!

今次係女俠第4次做姊妹. 我相信未來仲有好多次可以做呢! 女俠喜歡做姊妹,因為鍾意結婚呢D喜慶...真係好開心..喜氣洋洋咁...好高興! ^.^ 早上呢PART愛的宣言係我整GA!!

家有喜喜事 - 上頭

2008-12-08T15:38:00.000+08:00

終於等到啦...我們這一家又再一次舉行喜喜事,今次是表妹珊珊啊! 她是比我遲3天出世啊,就這樣女俠就多做了表姐了.我們也算是由細玩到大的.雖然後來長大了,各有各的朋友,可是每年我們一定會交換生日禮物的. 所以啊...看見她結婚,真的很感動呢!去年她也有參與我在台的婚禮...^.^

祝你和RICKY(佢老公)白頭到老,永結同心!

呢晚搞搞下..上完頭..食埋湯圓..再等埋龍鳳燭燒完...番到屋企都已經2點30..女俠再試埋第2日著的衫襯埋鞋都已經3點30...第2日要5點30起身呀!! ^o^

我們都愛燒烤

2008-12-03T17:52:00.000+08:00

呢d咁寒冷的天氣, 最好就係燒野食... 去唔到依花車的pccw,唯有轉陣去石澳. 幸好...租到這個不太大風的爐. 今晚大家都好犀利, 差唔多清晒所有的食物. 尤其是平時女俠的綿花糖,多數我都要拎走帶回家,今日居然清袋!!! 哇卡卡…..

真空鴨!!!

2008-12-02T14:16:00.000+08:00

哈哈..係咪好型呢!? 我真係講笑咁問茄華從北京帶回來的手信係咪北京田鴨!? 估唔到..真係一隻鴨呀!! 真空的鴨!! ok好味, 應該都係咁咸(比平時略咸)用嚟襯公仔麵....good 呀! ^.^

Carrie Chau

2008-12-01T17:52:00.001+08:00

都忘記什麼時候開始認識呢個公仔,印像中最早曾把她做msn最最早期的圖片,我唸都應該有6,7年吧!? 公仔d樣就係怪怪地,但係好多顏色好多圖案,畫得好細緻...所以都幾特別! 嘻...唔特別!?呢個始創人就唔會咁紅啦!? 唔紅!? 就唔駛26歲已經係半退休狀態,淨係畫畫同種花草啦! 簡介係咁寫ga!! ^.^
成個時代都係佢的decorations,好鬼靚呀!

女俠跟茄華好MSN
" 搵日落時代影相!!"
" .....!? "日落時代"...我以為係影樓嚟ga!"
" 都好喎..我地真係可以去影輯沙龍呀..搵埋恩姐..哈哈"

所以呢日同朋友仔食飯前...我同茄華去左"日落時代" 影相!!

1週年快槳!

2008-11-20T16:58:00.000+08:00

時間過得真係快,咁又一年啦!去年今天..都幾忙..忙於笑..忙於拍照..忙於流淚!
咁快又一年啦,真係好懷念! 懷念我的致親跟好朋友來參加我的婚禮. 沒有他們就沒有一個令女俠畢生難忘的婚禮. 悄悄跟大家說, 他們的風頭蓋過曾信章呢! 哈哈...你地記住第時要嚟探我呀!

聖誕又嚟啦!!!

2008-11-20T14:18:00.001+08:00

呢晚同老細食完飯, 行街街行到時代, 佢已經開始布置緊, 好靚呀,佢今年比去年靚啊!! 女俠好鍾意呢隻公仔,係貴到飛起的公仔! 好似叫CHERRY!? 嘻嘻..

我已經相約左茄華去拍照啦,無計啦! 佢係我眼中已經係一個好PRO的攝影師!哈哈....^.^

這是一個婚禮!!!

2008-11-18T10:53:00.000+08:00

LBG 30TH ANNIVERSARY

我相機居然沒有跟主角的合照啊!!!!!!!!!!!!!!!!!! (@_@)""

遲來的哈佬喂.....

2008-11-17T14:48:00.001+08:00

halloween

記得嘛!?

2008-11-12T10:24:00.001+08:00

繼上送神秘禮物比恩姐之後,今次到佢特別炮製左一份神秘禮物比我,
女俠咁聰明更係估到係D核突野啦, 唔可以叫核突, 係一D自己無法面對0既野囉!! 哈哈...
果然...佢真係送相框比我, 但估唔到係咁多張!!!!仲要係真係陳年舊照呢...救命呀!!!
裡面有我地相識這11年的相片,有好多地方,有d仲係度,有d已經執左笠啦!!
我地邊看邊嘈......恩姐話呢個相框叫"幸福摩天輪"我覺得似風車多d....轉一轉個圈...就十一年....時間真係過得好快!!! 真係好鬼感動呢!

親愛的,謝謝啊!

方炯鑌 ~ 壞人....(好好聽啊!)

2008-11-10T17:07:00.000+08:00

那一扇車門
關出我們的裂痕
一聲就震斷了回頭的路程

愛無法均分
以後就留給你們
也許用傷害結束愛才更動人

容忍的人其實并不笨
只是寧可對自己殘忍
既然愛不能恒溫
祝福就給你下一個人

你是好人也是個壞人
對我坦承只為了朝他狂奔
不能放任所以放了
這點痛我還能忍

我是好人也是個壞人
分得夠狠你才有藉口轉身
寧愿愛一點不剩
也不忍看戀人愛成路人

容忍的人其實并不笨
只是寧可對自己殘忍
既然愛不能恒溫
祝福就給你下一個人

你是好人也是個壞人
對我坦承只為了朝他狂奔
不能放任所以放了
這點痛我還能忍

我是好人也是個壞人
分得夠狠你才有藉口轉身
寧愿愛一點不剩
也不忍看戀人愛成路人

三個人從不對等
總有個人必須犧牲
那永恒就等他帶你完成

你是好人也是個壞人
對我坦承只為了朝他狂奔
不能放任所以放了
這點痛我還能忍

我是好人也是個壞人
分得夠狠你才有藉口轉身
寧愿愛一點不剩
也不忍看戀人愛成路人

寧愿愛一點不剩
也不忍看戀人愛成路人

P.S 女俠覺得好好聽啊!

陳生壽辰

2008-11-07T11:47:00.000+08:00

又係生日會的時間,從南山村慶生回來,繼續...切餅. 女俠較早前做的餅啊! 呵呵...一物二用! 至於生日禮物...等"真先爭"嚟先啦! ^.^ 因為無蠟燭的關係,我地拎左停電先用的西瓜蠟燭(呢個蠟燭我記得係BC送比我ga..好多年前) 0拿0拿..睇唔睇到..媽媽又擺d野係個蛋糕旁邊充撐場面,就係榴槤同芒果布甸!!哈哈..我屋企真係慶ga...

~~茄華好...媽媽話下次唔駛送禮啦,食餐飯咋嘛!!

halloween

2008-11-05T15:07:00.000+08:00

今日係Halloween..跟mocha仔一齊過.名義上我地話去joanne屋企整muffin,實際上我地去玩wii. 西環有間德記食飯好出名,仲好好味tim. 呢晚我地整香蕉muffin和咖啡muffin ^.^

哈哈..究竟我地玩咩玩到描晒筋咁!? 估唔估到呢? 我地滑緊雪呀! 哈哈....致於joanne佢係度避緊..避咩?避拳囉,佢同billy打緊泰拳啊!! ^.^

南 Y 島.....

2008-11-05T13:42:00.000+08:00

十年無去過南Y島...記得對上一次是畢業旅行(是嗎?是跟同學去吧!) 記得第一次在外過夜,帶了一大袋的行李,差一點...就可以去歐遊了! 那些相片還在家中啊,可惜這些相片是永遠都不可能再曝光了.....因為...嘻嘻...太青春啊! 很久之前茄華好已經跟我說這裡有個風車發電,要找時間前來拍照. 但較早前媽媽身體抱恙,一直都把這個計劃推遲了. 直到有天再看到好友JOANNE的mocha與風車...才想起這個約定!! 就是這樣子,兩名女子撐著傘去行山啊... "我記得以前行去沙灘好似好遠咁ga...點解今日好似快左咁多!?" "係啦...點解呢!!" "哈哈...因為我地對腳生長左啊!!" "係呀係呀....哈哈!"

唔知我地下次幾時可以再一齊行山呢? 會唔會下一次行山會是行台灣的山呢!?!?

相片拍得很好啊,是茄華好的靚相機囉!!

"你係咪真係想買相機?" "都係0既..不過好貴,又難學,等要生bb先買啦,用嚟影bb嘛!" "現在買也可以,先預備嘛!" "宜家? 唔啦, 茄華有咪得囉!!" 無錯..茄華有就得啦...呵呵...

榛子蛋糕

2008-11-03T17:38:00.000+08:00

又係整餅的時間啦!今次呢個最難係最尾個PART "吱"cream, 要逐粒逐粒"吱"上去ga.

好花精神ga. 我地呢d...梗係...一邊"吱"一邊嘈啦..." 唉0也..無朱古力啦" "妖..d朱古力溶晒啦" "點吱ga!?" "呀蛇..." "呀sir 呀....." "你再唔嚟,呢度有人跳樓啦..." "呀sir..你再唔嚟..我點煙ga la"

哈哈.....
睇下張台......好污糟....

萱萱

2008-11-03T17:10:00.000+08:00

記得上一次見萱萱時,她才是滿月不夠,宜家已經9個月啦!小孩子好快就大,見到小朋友大就知道自己又大個左LU..嘻嘻!
見到波仔識走路,就想到他很快就背書包上學去了!! 不知道..到佢地第時結婚,我會係點呢? 呢個BLOG仲會係度嗎? ^~^""

再見.........阿里山

2008-11-03T12:29:00.000+08:00

呢個係阿里山上七仔買的便當(佢地好流行)蝦子餅成日食,覺得無咩特別,但係女俠覺得很好味,尤其是係天氣又凍,肚子又餓的時候. 份外好味! 呢隻..係一隻牛..並唔係一年隻狗! 呵呵..

這一次阿里山之行看不到日出,幸好臨走都睇到個日落......夕陽無限好啊!

阿里山..神木

2008-11-03T10:21:00.000+08:00

這天看來是晴朗的一天啊!

今天我們向阿里山上的神木出發啊....要坐小火車呢! 但是來到山上卻下著大雨,氣溫還得14度呢!變化太大了吧!? 雨後的阿里山...女俠覺得佢有點陰森耶!! ^.^

看神木要環繞一個山頭,約步行1個小時左右. 沿途都能看見好巨好巨的樹.我相信起碼要數十人可以把一棵樹包圍著.

"幾千年?一定有樹精啦!" "難怪D人話要去攬神木吸收靈氣啦!!" "我真係覺得有點驚害怕,呢度真係一個森林嚟!!與世隔絕咁..." "呢棵最犀利GA,不如許個願啦,中左六合彩,明年番嚟搵佢啦!!"..^V^..

奮起湖老街/ 生日蛋糕!?

2008-10-30T17:30:00.001+08:00

這天入夜後就起了大霧,不曉得平時都是這樣呢,前路白茫茫一片呢!好危險呢!
可能今天不是假期更可能這裡是山上,所以8點半不夠所有店都關門大吉,餘下兩間小炒店.最近我們的地方就是這條叫”奮起湖老街”.
女俠心想”係咪乃左野呢,嚟到咁遠,結果咩都無得食!!” “咁..係咪無生日蛋糕GA?” “唉0也..無呀..呢度都無得買!” “搞錯呀,生日又無得食大餐,蛋糕都無!?” “我忙0Y嘛!!”
講得幾自然呀! 嬲爆………….

邊個整GA? “係呢度的老闆娘,我話叫宅便,她說不用呀!她幫我做耶!還有這個花也是她造耶!!好厲害!” 真的嗎?佢好好人喎!駛唔駛錢GA(好小器的女俠啊!)哈哈..
無呀..佢無收我錢. 好好人喎真係….. 個繍球花整得好靚喎! “他們自己種的,在屋前耶!”
真係要為佢地拍手掌啊!

民宿 ~ 四季星空

2008-10-27T14:36:00.002+08:00

知道這次會到阿里山時,女俠已經在網上不停打聽民宿的介紹,可是阿里山很大,民宿亦分得很散..不會像墾丁一樣有個很完善的民宿網.所以在網上找到的資料都很零落.但無獨有偶,在網上都見到很多人好評呢間 “四季星空".所以好快就下了決定.
它位於阿里山山腰的一條小徑上的小山丘,所以從窗望出去剛好望到對面的"象山"風景,這是有心思的設計喎!(我從來對建築方面都沒有研究..)不過這裡真的很漂亮,每一樣細微的裝飾都做得有特色.因為我們住這2天是平日,因此全幢民宿就只有我們一戶住客.它們有好幾種的房間,有不同的大少,女俠選這間名叫"漫步雲端",因為它有個閣樓,因為它有條樓梯,女俠好享往家裡有樓梯的,雖然我家都有條樓梯,就係我爬上床果條囉!!嘻嘻.. 而且廁所還有個小露台呢! 民宿的主人是對夫婦,男主人祖業種茶葉,現在交由別人打理.專心打理這間民宿.睇佢都係果d比較脫俗的人!確實這裡環境很好,可是要女俠長年歲月待在這裡......會唔會悶死左呢!!

向阿里山出發

2008-10-27T12:19:00.001+08:00

上次墾丁之後..就按奈不住要到台灣的其他地方走走.留在台北!?來日方長啦! 今次決定往阿里山出發,因為人人都話阿里山睇日出好靚好靚.....(之前睇台劇這裡發現愛嘛!本來都唔想講,但被表妹發現了!!嘻..^_^") 今次跟上次不同的是,這一次我們沒有選擇自己揸車,因為時間關係,我們選擇坐高鐵! 這樣就不用漏夜揸車. 我們也是第1次坐高鐵,原來高鐵分3種坐位: 1)商務車廂 2)標準車廂 a)對號入座 b)自由號(即是有位就坐,無位就要企.2者之間的價錢就相差30元港紙.因為台北南下是第1個站,所以台北出發的我們購買了自由號,因為一定有位置坐的,每人車費$250元港紙(不便宜呢!)由台北坐到嘉義1個半小時.如果是揸車的話就要4個小時左右.因為高鐵最快有300km呢!!可能它快的關係,我們看見車頭佈滿血跡!?是雀仔的血跡吧!! v_v

如果是多人一起南下,開車比較化算啊! ^.^高鐵上有餐飲服務,但份量不多,難以供應所有車廂,所以除非坐到好位置,否則還是自己走過去先買或是自行購買比較好呢!!

這一次我們到嘉義後就在站內租車公司租車,這2天就靠佢啦!

my 飛佛......生蝦汁.....

2008-10-27T12:05:00.001+08:00

係咪好型呢...一支用屈臣氏樽裝的生蝦汁...咩生蝦汁!? 係泰國點生蝦的醬汁呀.

之前已經好恨ga la..以為泰國的超市有得買, 點知搵左好耐都無喎! 上個月叫細路去搵,佢都話無,淨係話唐人街食肆先有現成買,但保存期好短!! 唉..所以咪得個恨字囉!

結果...梗係好友茄華好幫我運佢番嚟啦! 月中佢去完泰國番嚟比我的手信之一..yeah!!

好彩係我去台灣前就拎到呢支生蝦汁..總算食過一餐啦,到我番嚟之後佢已經變左啦, 唔係變壞0既, 係變左無香味得番d辣味囉! 真係可惜...究竟點整..有無人有食譜呀???

海角七號

2008-10-27T12:04:00.002+08:00

~~海角七號~~

跨越六十年的七封情書追尋一輩子的音樂夢想
六十多年前，台灣光復，日本人撤離。一名日籍男老師隻身搭上了離開台灣的船隻，也離開了他在台灣的戀人：友子。無法當面說出對友子的感情，因此，他把懷念與愛戀化成字句，寫在一張張的信紙上。

六十多年後，台灣的樣貌早已完全改變，各個角落的人為生活而努力，幾個活在不同角落的小人物各自懷抱音樂夢想：失意樂團主唱阿嘉、只會彈月琴的老郵差茂伯、在修車行當黑手的水蛙、唱詩班鋼琴伴奏大大、小米酒製造商馬拉桑、以及交通警察勞馬父子，這幾個不相干的人，竟然要為了度假中心演唱會而組成樂團，並在三天後表演，這點讓日本來的活動公關友子大為不爽，對這份工作失望透頂，每天頂著臭臉的友子也讓待過樂團的阿嘉更加不高興，整個樂團還沒開始練習就已經分崩離析……。

老郵差茂伯摔斷了腿，於是將送信大任交阿嘉手上，不過阿嘉每天除了把信堆在自己房裡外，什麼都沒做，他在郵件堆中找到了一個來自日本，寫著日據時代舊址「恆春郡海角七番地」的郵包，他好奇打開郵包，發現裡面的信件都是日文寫的，根本看不懂，因此不以為意的他，又將郵包丟到床底下，假裝什麼事都沒發生。

演出的日期慢慢接近，這群小人物發現，這可能是他們這輩子唯一可以上台實現他們音樂夢想的時刻，每個人開始著手練習，問題是阿嘉跟友子之間的火藥味似乎越來越重，也連帶影響樂團的進度。終於，在一場鎮上的婚宴，大家借著酒後吐真言，原來阿嘉跟友子兩人都是孤獨的異鄉人，解開心結的兩人發現了怒氣下所隱藏的情愫，於是發展出了一夜情。

在阿嘉的房裡，友子看到了日本來的郵包，發現那居然是來自六十年前七封未及寄出的情書，她要阿嘉務必要把郵包送到主人手上，然而，日本歌手要來了、郵包上的地址早就不存在、第二首表演樂曲根本還沒著落、而貝斯手茂伯依然不會彈貝斯……。

而友子，在演唱會結束後，也要隨著歌手返回日本，開始新的生活。阿嘉終於決定打起精神，重整樂團，他們的音樂夢是否能夠實現？沉睡了六十年的情書是否會安然送到信件的主人「友子」手中？而阿嘉跟友子的戀情，是否能夠繼續發展下去？…… 人只能活一回，夢想卻有無數個，唯有放手一搏，才能知道機會屬不屬於自己……。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實未去台灣之前,女俠偶爾在某部落格發現這套片的介紹,初頭淨係覺得d劇照好靚,因為佢地都係墾丁恆春果度拍. 怎料不久之後蝦子餅就跟我說這套片在他們台灣大賣,還爆紅呢! 幾爆? "有人到翻版檔想搵呢套片,點知..果個人話""請支持本土電影,入戲院看吧!"" "下..唔係嘛!!

所以呢..我當然陪呢個本土人支持本土電影啦!!.....確實,這套片的故事很不錯,因為劇裡面所有的演員沒有一個是好樣,包括所謂的女主角男主角(其實戲份是多一點點吧了!)都不是標緻帥氣的!但亦能如此吸引,確實是個精彩的故事.沒有生離死別(少少啦,純粹是信中的故事人物死掉)卻教人感動的!一大班雜牌軍組隊夾band,當然不少笑料,但卻又是真實得令人發笑的. 我呢個唔係本土人都睇得咁開心,難怪出生在台灣的人會覺得如斯精彩,因為戲裡面很多台語,即他們的母語,份外親切吧!還有一些他們地道的風俗!! 女俠都學左句粗口"靠背(痺)" 我唸大概意思是 "咪撚嘈啦!" 呵呵...

唔知係香港上畫會否吸引到香港人呢!?

MBD JIMMY KITCHEN ~ CENTRAL

2008-10-27T11:20:00.001+08:00

今晚女俠食左個有火的雪糕蛋糕..好威喎!

呢度都真係...幾靜ga..所以..我地笑都唔咁太大聲...所以...真係忍得好辛苦啊! ^_^"

呢餐..飲左個招牌什麼"黃薑咖哩湯" (呵呵...我有被騙的感覺....) 我覺得撈飯會比較好D...

仲有..海鮮拼盤,鴨胸同炸磨姑....一般般啦!! 最好味就係個有火的蛋白雪糕蛋糕!! 嘻嘻...

好啦..我的2X BIRTHDAY 結束LU... 謝謝大家....^.^

今晚雖然是慶祝我的BD, 不過..為左報答BC一路以來的笑話..我跟茄華特別炮製了一份別出心裁的禮物送給BC...(真係精心傑作!!) 係咩?...秘密...係一份笑到拍晒台的禮物...哈哈哈哈哈哈....

靚相機+靚人=靚相片...^.^""

2008-10-14T14:10:00.000+08:00

謝謝好友..跟我分享這最後的二字頭生日!! 呵呵...

我們都愛燒烤

2008-10-12T10:06:00.001+08:00

秋風起..最好係燒野食..唔駛捱熱流汗..最重要梗係搵到個好地方啦!
所以話啦大公司福利真係好...
所以話啦有朋友有呢D大公司親朋真係好...
我地已經用套左唔少PCCW的光了.謝謝E花表姐啊!^.^

今晚女俠真係食多D食多D啦...我個蛋糕係咪好別緻呢..係好友JOANNE親手造比我GA..嘻..好SWEET啊!
謝謝好友的禮物..仲有...D蜆同花甲呀!呵呵...

谷銀氣 = 谷 M!?

2008-10-10T14:49:00.001+08:00

運程: 一股落泊,落難, 死氣沉沉又似一個囚犯, 這是人生機來臨之前, 一種予人瞧不起甚至不知所謂的感覺, 這種情況大多發生在事業運之上. 己未年: 是時候"過檔"別的工作機構, 或別的部門了,又或搬往另一新居所了. 古人說: 狡兔死, 走狗烹, 飛鳥盡, 良弓藏. 或許有人看自已不順眼, 或自已在別人眼中再無利用價值, 想一腳踢走羊人了. 但塞翁失馬, 焉知非福.須知道新靠山新環境在等著羊人,只要小心一點,切物受人激將法, 簽下不平等合約而離開!!

....睇完呢篇野, 心情簡直跌落谷底,仲灰爆...牛年都未到,女俠已經嗅到那種不安的氣味了.那種霉氣好似已逐漸向我飄過來..最近那種隨時隨地都可以"嬲爆"情況經常出現,仲要維持一段時間呢! 我的黑暗已經來臨,黎明還會遠嗎的精神都不知道死左去邊? 那種心情唔係唔開心咁簡單,係嬲係憤怒係果股怒氣難消,氣難下果種!?咩事搞到咁嬲!? 比人屈囉,仲要比熟人屈, 仲要屈9完你仲比面色你睇0既人, 仲要係唔可以拍台屌佢0既人!! 搞到..我真係好想講一句好毒的說話 "不得好死!!!!" 谷到我..訓又訓唔著..訓醒又繼續嬲...谷到..M都谷住左..遲左8日耶!(十幾年嚟..都未試過!!) "小姐,你過左咁耐都咁嬲,仲搞到咁,我知道你真係好嬲喎!" =_="""

不過....女俠嘛,我係女俠嚟,我唔會咁容易就倒下來的!!! 丞責話嘛"別受人激將法" 爸爸話"唔好唸唔好理,得番幾個月咋嘛!" 媽媽"唔駛驚,最多咪早D過去囉!" 好友1" 唔好理呢D人,呢D人咁高招,唔好理佢!" 好友2"算啦,捱埋去啦,幾個月0者!" 好友3"無事GA LA,你咁有人福氣無野0既!!" 同事ABC "幾個月,忍埋去....!" 沒錯...沒理由給它打擾到我的生活嘛, 破壞我的生活精神 "嘆世界"!!呵呵... 今晚我就去慶生啦! 係呀..我的生日週到啦....哈哈...今晚我要食多D食多D食多D.....

那些無謂人...可以不理!!

P.S 我的親戚終於遲左8日後的今日嚟左啦!!舒服晒.... ^_^"

joanne 授徒...

2008-10-08T10:34:00.000+08:00

呵...鑑於女俠之前整芝士餅次次都唔成功,總係差d野咁,所以好友joanne決定教我做一次.嘻..佢咁犀利無理由個fd咁渣嘛!^.^ 我地今日決定整檸檬芝士蛋糕.... 見唔見到呀,我同belinda就好似學生咁..睇住joanne教我地點整囉! 不過我發覺...原來電子磅真係好重要ga!!

好耐未見過mocha仔啦,佢越嚟越搞笑, 佢影相真係會瞇眼, 好似好陶醉咁...

仲有..呢日..女俠係joanne家玩"will"...原來...係虛擬0既世界裡面..女俠都係一個運動白痴嚟ga..

好啦..睇下我地個檸檬芝士...係咪好靚仔呢!? 仲好好味喎....

白雪先生灰先生

2008-09-29T16:39:00.000+08:00

返學放學,行街睇戲,食飯傾心事! 呵呵..有呢個人在你身邊嗎? 你找到你的BEST FRIEND未? 你擁有呢個童話嗎?

如有….請好好珍惜啊!!

生日快樂...好快樂!! ^.^

2008-09-29T15:15:00.000+08:00

今年的農曆生日比生曆早成20日,來得好早啊!屋企人都係跟女俠過農曆的.呢日媽媽帶我地食呢間天與地,係尖沙咀諾士佛台. 很不錯耶! 食物味道很好,而且價錢合理! 女俠最喜歡食水煮魚片(魚片不腥耶!) 帶點辣,但係又能入口. 真的很好啊! 希望快D再去過,可試其他野!! 許了第一個生日願望啦!^.^...

天生一對

2008-09-26T10:38:00.003+08:00

我偶然聽到一個廣播劇,聽到這首歌..很久以前我聽過,但卻不知道它的名字,亦沒有特別喜歡,但呢日聽番,突然好喜歡,覺得好浪漫..好童真!! 嘻嘻.

上了年紀!?

2008-09-26T00:46:00.000+08:00

我真的上了年紀嗎? 事有湊巧,這個星期娛興節目排得密密麻麻,星期2的8號風球冒著風雨跑到婆婆家吃舅舅帶回來的新鮮手信. 星期3晚撐著雨傘(卻一滴雨也沒有)跟好友在大排檔聚餐. 來到今天星期四,已經感覺到體力有點透支,下班後眼皮更是沉重!!

看見BC,"嘩..你個樣就嚟訓著喎!" "係呀.好支力,快D去開房,坐一陣就無事!"
~~~~~~~~~~~~~~~~
路途BC已經不斷開始講佢D好搞笑0既野..笑笑之後,我個魂頭其實已經開始番嚟..
接著我呻下公司谷氣事, BC當然會向我發一輪功,雖然她的話無咩意義,但心情好左小小
BC"有林峰呀,愛不疚,哈哈.." "0下..唱佢..我驚比茄華罵呀!"茄華 "..係你地好快D點呀,拿拿聲唱完佢!" "佢真係整容GA...以前都唔係咁!" BC"佢似唔似我表弟呀?" "下..你表弟靚仔D..哈哈"
"下..唔係嘛, 佢靚仔好多呀!?" 我跟茄華對望然後爆笑 ^0^"唔係嘛,佢靚仔!?哈哈哈..係呀係呀..佢呢D唔算靚仔都唔知邊個算靚仔呀!哈哈.." BC "做咩呀你地,佢好醜樣咩,有無搞錯呀!" "我唔知..我鍾意王喜GA!" BC"咁我問你地,黃宗澤靚仔定佢靚仔!?" 我跟茄華都相視一眼"唔知..唔夠膽講..哈哈!" ...其實呢個時候我地已經笑到死左...之後BC突然爆左一句 "你地真係上左年紀啦!宜家D靚妹仔好鍾意佢GA!" -_ -"""" 哈哈哈哈...我X你,我唔X你都唔XXX,哈哈..好HURT呀,你居然為左一個男人而咁HURT你D朋友!" 你為左林峰而傷害我地的友誼..哈哈哈!!" "恩姐係係度話緊佢仲係靚妹呀!!哈哈" 場面陷入一片混亂....
~~~~~~~~~~~~~~~~~~
BC"你知唔知果個大咖哩啡,同騰麗明傳緋聞果個" "啊..我知.咩鴻果個,又做咩!?" "我老公同事話似我老公喎!!" "哈哈..唔係嘛,你老公靚仔D!" "你睇下呢張相,我老公帶左新太陽眼鏡,咁睇咪似囉!哈哈" (係因為咩都遮住晒...^V^)
~~~~~~~~~~~~~~~~~~
BC"我D同事話同我有代溝,車..我心唸你都26歲啦,好後生咩!" "好心你啦,你唔好成日同人講你幾老啦,你駛咩同人講你幾歲啫!" "我無呀講呀!" "係囉..佢無講,佢淨係同人講我1979年出世GA!哈" "唔係..唔係..佢同人..我屬羊GA!"哈哈
~~~~~~~~~~~~~~~~~~
就係咁,我過左一個好RELEX的晚上,呢個星期積埋的壞心情被趕走了!!

朋友,真係好想話比你知,歲月一定會流走,每一個人都會成長,都會年老,你口中17歲的妹妹都總有天會變30歲的. 所以..真係無相干,最重要過得開心!今日農曆生日的我,29歲的女俠過得好快活啊!呵呵..

不過喜歡林峰,我想真的不關年紀事吧!!!!哈哈哈

my baby & me

2008-09-23T23:46:00.002+08:00

Create your own Rubik's Cube

O.BABY.BALL.BIRTHDAY~1 year old

2008-09-23T13:48:00.000+08:00

1歲啦! baby ball1歲生日快樂.要健健康康,快快樂樂啊! 女俠好開心有機會見証你的成長啊!

一生不可自決

2008-09-19T15:06:00.000+08:00

一生不可自決

陳百強

我沒有自命灑脫
悲與喜無從識別
得與失重重疊疊
因此傷心亦覺不必

誰個又會並沒欠缺
曾心愛的為何分別
和不愛的年年月月
一生不可自決

誰人又知道我的心靈熾熱
誰人又知道再說已不必

仍然願一生一世的欠缺
不想再暴露我於他人前
你會令誰人自覺生可戀
即使天天也在變

***好好聽啊! 下次唱歌仔要唱呢首歌呢!***

謝謝你的月餅啊!

2008-09-16T22:56:00.000+08:00

joanne姐姐好有心機咁整左狗仔月餅給我家的小狗啊! 仲整埋比茄華好家裡的小狗(係小肥狗) ^.^豆妹今次好捧場呀,食左半個呀!至於妹豬,佢話唔係人食,所以佢唔食喎! 呢個月餅真係好似,有晒咸蛋黃(蕃薯蓉),媽媽話好盞鬼啊!^.^

中環 ~ wagya ~ c姐慶生

2008-09-16T17:39:00.000+08:00

環境好好, 但真係好很嘈, 人聲已經夠嘈, 佢仲要播d好勁的音樂!! ^.^
野食...太咸太多芝士...是日女俠就係腸胃炎ing,所以...無咩心機品嚐, 連酒都唔飲得.
所以...或許下次先再去品嚐多次吧!!

月餅/生果/鐵觀音=腸胃炎

2008-09-10T17:24:00.000+08:00

今個中秋節真係食月餅食到嘔…..
因為連續幾3day晏畫都係公司食呢個月餅水果下午茶..總於出事啦!
呢日係第3日…女俠食左1/8 的鴻星金箔月餅,1/8個美心月餅,加半個大香芒加一抽提子加一杯鐵觀音…..咁就乃左野啦!!! -__- “” 肚痾胃痛加發燒, 燒到100度….宣佈”腸胃炎”,辛苦到嘔!

要健康啊!

2008-09-09T17:01:00.000+08:00

前一陣子豆豆妹唔舒服...萬幸好彩情況唔係最壞果種, 要多留意她的起居飲食, 要記住啊..唔可以再比咁多垃什野佢食啦! 我知的, 她已經11歲幾, 醫生說係人的80歲幾喎, 年紀不少了, 你年老的事實我已經知道了, 但是我仍然貪婪地希望你能跟我們過多十個中秋節呢!! 所以..你要健康啊! 起碼你也要看見我生BB吧!? 知道嘛!?

隔離台好嘈喎!!!

2008-09-09T16:39:00.000+08:00

灣仔軒尼詩道18號永昌大廈2樓 (近衛蘭軒)

我真係唔知呢間野叫咩名ga, openrice叫佢做泰國食品店喎! 最詭異係打去book時佢話有outdoor同indoor的,結果太熱的關係...放棄左吸新鮮空氣的機會而留在冷氣的地方. 但呢晚我地去到係...無outdoor的. 大家研究左好耐...係咪有第2個單位呀!? 係咪係上面呀? 係咪呢度打開窗就係叫outdoor呀? 唔係唔係..結果找數係門口見到佢貼左張某週刊廣告,原來有outdoor果間唔係呢個地址!!! 呵呵..好白痴我地!
呢間係依花車講出嚟話係軒尼詩道有間好吃的泰國菜,而芭妮打係openrice搵出嚟ga,但結果..笨唔係依花車話果間. 我地就係咁...盲中中咁...嘻嘻.. 因為某d餸係要預訂: 生蝦, 柚子沙拉, 海南雞..
生蝦最抵食50一碟12隻, 海南雞好滑, 沙拉太咸, 椰青好味, 春卷也不俗! 總括嚟講...不錯,最要加分係有電視睇囉,大家可以一齊追家好月圓啊! ^.^
今晚我地比隔離台投訴我地大聲呀!! 呵呵..我地成日都係咁大聲ga la,嘈天巴閉咁,由細到大都比人投訴大聲...點算呀!! 呵呵.. -__-!!

心酸酸.....的!!

2008-09-03T17:14:00.001+08:00

前幾天看到王文華連載新小說的其中一篇....

你說你也會難過我不相信
牽著你陪著我　也只是曾經
希望他是真的比我還要愛你
我才會逼自己離開

　　她的歌聲真好。如果閉上眼睛，想起Amy，縱使在這個嘈雜且充滿酒味的房間，我仍會掉下淚來。我會想起我們一開始交往時，雖然她年紀比我大，雖然她事業比我成功，雖然大家都不看好，雖然她爸媽都反對，但我們仍我行我素地喜歡彼此。　　別人只知道她是女強人，卻不知道她在我面前，也會像小女孩一樣甩頭大叫說：「人家不管啦！」　　別人只知道她做事明快果斷，卻不知道她讀了很多感情教戰守則的書，嚴格遵守任何男人約她，她一定要拒絕三次，確定他夠喜歡她。我約了她五次，她才跟我出來。所以嚴格說來，她只拒絕過我兩次。　　別人只知道她是股市操盤高手，卻不知道她開車開到一半，聽到收音機播出蔡健雅的《紀念》，會突然愣住，也不管紅燈已經變成綠燈，也不管後面的車猛按喇叭，就輕輕地跟唱起來。那樣專注，連坐在旁邊的我都不忍心，催她開車。　　別人只知道我們之間有了第三者，她認識了一個比我更適合她的男人，卻不知道在我們大吵到我離家一周，她會傳簡訊給我說：「阿德，我智齒好痛，你可以回來嗎？」於是我回來，帶她去拔智齒，坐在她的躺椅旁抓著她的手，漱口時幫她拿過水杯。拔完牙後我回家，她嘴巴咬著紗布我不能吻她，只好吻她的額頭。我們快樂了兩個禮拜，直到那男人再度出現。我的快樂，取決於那男人出差的行程。　　別人只知道她對不起我，卻不知道我常翻她皮包、偷看她的手機，以配偶的特權，查她的通話記錄，然後找到那個她常打的電話。半夜一點，我打到那個號碼，聽那男人一聲低沉的「喂」後，掛上電話。連續這樣打幾次，那男人便關機。我再打，進入他的語音信箱，聽他留話的聲音，分析什麼樣的聲音能夠吸引我太太。　　別人只知道她對不起我，卻不知道我甚至猜出她的密碼，進入她的E-mail。我希望我當初沒有這樣做，但我做了。如果我沒有這樣做，我不會跟她離婚。我愛Amy，不在乎別的男人也愛她。但我這麼做了。我看到她寫給那男人的E-mail。她也像小女孩一樣寫：「人家不管啦！」。　　他們沒有討論蔡健雅的歌，但他們去了好多，Amy和我去過的地方。只不過他們坐商務艙去，在那些地方住更高級的飯店，刷沒有額度的簽帳卡。我愛Amy，不在乎別的男人也愛她。但我在乎，她這樣愛別的男人。　　事實上，我也不在乎她這樣愛別的男人。如果我沒有看她的E-mail，就算她這樣愛別的男人，我還是不會放棄。畢竟我約了她五次，才換得第一次約會。我不是輕易放棄的人。哪對夫妻不吵架？哪對夫妻沒有精神外遇？我們會冷戰，她會不回家，但我們還是法律上的夫妻，像台北其他一萬對，不快樂的夫妻。　　但我看了，而一切就無法挽回了。我像得了傳染病似的，腦袋開始無法控制地發癢。我不停地想，想她跟另外那個男人，做很多事情的樣子。我可能坐在辦公桌前，公司四周鬧哄哄。我掛下客戶的電話，翻開手機看有沒有簡訊。發現沒有簡訊，再看E-mail；若也沒有新的E-mail，我就跌進幻想中。其實也不是我「跌」進去的，因為我根本沒有站起來。我只是坐在辦公室中，吹著冷氣。然後冷不防地風一吹，我就被「吸」進幻想中。是的，吸進，像鳥被吸進飛機引擎。那樣快速，那樣絕對，那樣有可能機毀人亡、兩敗俱傷。　　然後我就在辦公桌前，一動也不動。好像我融合到辦公桌中，變成傢俱的一部分。旁邊的同事可能剛簽到一個訂單高興地跳起來，我無動於衷。我坐著，頭歪著。後面的同事抬起頭看我的背影，會覺得我的姿勢像在看電影。是，我是在看電影。我自編自導的片子，但靈感來源是真實故事。　　我編的情節可能比真實發生的故事更精采。我不是一個有想像力的人。我畢業後一直在電腦公司上班。但當我編劇時，我文思泉湧。我用我在Amy的E-mail中看到了蛛絲馬跡為起點，用我和她當初熱戀時的真實經驗為骨幹，然後中間充填了很多，血肉模糊的情節。我們曾有的愛情情節如果乘以兩倍，應該就是他們的情節吧！離道德越遠的愛，應該越熾烈。　　我不是一個有想像力的人。我能夠編情節，因為我看到了Amy的E-mail。E-mail有附件，而附件很多是照片。　　這一切不是她的錯，是我的錯。我不該打開附件，不該堅持要知道真相，甚至在知道真相後堅持要知道細節。看了那些照片後，我沒辦法再正常面對她，不管是把她當做太太，或甚至只是一個普通朋友……　　但不對，這一切還是她的錯。她的錯並不是拍了那些照片，因為我和她也曾經拍過那些照片。她的錯是設了一個太好猜的E-mail密碼。這段失敗的婚姻，我什麼都不怪她，只怪她──為什麼要用，她的生日，做為E-mail密碼。

~撰王文華2008年最新愛情小說第11回下半部

王文華就是可以, 他就是可以這樣, 這樣細緻描述會讓人發笑, 笑完之後又會覺得悲從中來的文字.
或許你不會流淚,但是卻會有一陣心酸.....我真係好鬼鍾意佢的. 很期待小說面世啊!!

靈異事件!?

2008-08-29T13:15:00.000+08:00

每個星期六女俠一家人都會收看有線"怪談",雖然內容的可信性只有60-70%左右!!但係不知為何就是愛看這些鬼怪東西嘛!! ^.^

上星期女俠聽到一位女士打電話到節目中分享她的靈異經驗.她說事件已發生了一段時間的.
"她是2個孩子的媽媽,跟丈夫分開了,因為前夫是吸毒者,所以分開之後沒有聯絡. 後來到社會幅利處申請公屋的關係,職員詢問有否辨理離婚手續...當時她告知跟前夫已失去聯絡找不到他.沒多久社會福利處打電話給她已找到她的丈夫,不過是在生死註冊署.她的丈夫已經去世了一段時間了.奇怪在其實在之前她已連續2年的清明節前後夢到她的前夫跟她要衣服說很冷,當時她是有燒衣給他呢!奇怪是屍體一直放在沒有人認領的政府單位內.而這位女士亦通知前夫的妹妹前往認領她哥哥的屍體.該單位的忤作告知幸好他妹妹能及時趕來認屍,因為再過多2星期,他哥哥屍體就要送去亂葬崗葬,到時找也找不到了.忤作亦告知他哥哥的屍體其實已埋過2次,但是2次起出來,他哥哥的屍體也不腐化而掌頭還是緊握著,今次是第3次起出來才腐化了一半呢!他當了多年的忤作也未見此情況呢!! >~< ..............節目結束....................

女俠 "點解...呢個女人咁無情0既, 仔都有2個啦,雖然係前夫0者,但係點解佢唔去認屍..!?"
爸爸 "你無聽到咩! 吸毒ga...吸毒喎...邊有好人ga!!"
女俠 "係咪真係吸過毒所以影響身體...唔化呢?但係無理由ga,死左..放入泥土都唔化!?"
爸爸 "...呢d應該枉死啦..緊握拳頭喎...好難講0既係咪先!?"
女俠 "咁又係....都幾慘....!"
爸爸 "仲有....咁樣就知道政府做野幾有問題啦..果班友仔...點會死左咁耐..聯絡唔到人地屋企人先!..香港地最簡單啦,每個人一定有電話,有住址..無..都有手指毛啦.點會搵唔到, 唔做野就真啦,所以年中一定大把死左果d比人丟去亂葬崗啦!!
女俠 "咁又係...宜家果女人去申請公屋嘛, 問政府攞野喎, 政府仲唔起晒你底咩!!!"

這是一件靈異事件,這也不儘是一件靈異事件!! ^.^

PIZZA 輝... 嘻嘻...

2008-08-28T17:19:00.000+08:00

哈哈哈哈哈哈哈哈............................ 契媽疼晒你啊!!! ^v^

CHOCOLATE CONCORDE(君悅酒店)

2008-08-28T16:42:00.000+08:00

之前有天食飯時,紙筆痕要一起去做蛋糕...所以就有呢一日囉!
"我真係唔記得左今日整CAKE呀! LUNCH去買GA呢條圍裙,$20好鬼貴,又唔靚!!"

"我記得GA,但係我醒唔起要帶呢圍裙!!!"

"我有帶圍裙,但係漏左係公司囉!激死...."

(呢日可能係星期一,所以大家都發緊夢咁..咩都未READY就去左整餅啦!) ^.^

係整餅的途中,唔知講左D咩,突然將話題帶到雞生蛋....

"唔係喎..母雞生蛋好似唔駛公雞喎!?"

"唔駛受精就有蛋!?..即係母雞生蛋,公雞淨係早上叫呀!?"

"唔係係雞就會朝頭早叫0既咩!?"

"呢樣野真係唔知喎!?"

"咁...公雞可唔可以生蛋呀!?"

哈哈哈.....

結果: 女俠番去問左爸爸媽媽, 無錯,母雞就算無受精都可以自己生蛋GA,至於受精左的雞蛋意思是可以孵出雞仔.媽媽告知有時打蛋見到一點黑色物體..果D就係受左精喎GA LA.

整蛋糕真係好鬼好玩!!!

王文華最新愛情小說

2008-08-27T17:47:00.001+08:00

■ 王文華最新愛情小說，開始連載！
王文華喜歡寫不可能的愛情。
《蛋白質女孩》中的張寶和安娜蘇，《61 x 57》中的徐凱和林靜惠，《倒數第二個女朋友》中的明宏和周琪。
在不可能的愛情中，人事時地全都不對。聰明人會掉頭就走，傻子卻苦苦追求。好人有自知之明，壞人想同歸於盡。在愛情中，我們都是傻子，包括那些原本極端聰明的人。我們也都是好人，卻又如此邪惡。
這一次，王文華要跟你介紹四個這樣的人。
這四個人都帶了秘密和創傷，卻又懷著夢想和慾望。在這個故事中，他們跨越了實體，和心靈的，海峽兩岸。
8/18(一)起，你將在他們四個人的身上看到王文華，看到自己。

OHOHOH..佢終於出小說啦!! 等左好x耐啦........................難掩內心的興奮啊!!

監獄兔

2008-08-27T14:50:00.000+08:00

呢套網卡通片, 係女俠細路介紹比我, 真係超低能勁搞笑呀! 睇完之後,人真係開心D GA.尤其是激氣0既時候,所以女俠長期都放條LINK係公司的我的最愛. 無他,公司總有會激氣的事嘛!?係咪!?所以朋友們快D去睇下啦!
係YOUTUBE SEARCH 監獄兔就得GA LA.佢共26集,每集得3-4分鐘咋!好快就嚟完,仲未有27集呀!
不過..我上網睇番其實呢套野,07年已經好流行喎,真係OUT SIDE啦我!!嘻嘻..

鸚　鵡　～　9 風球

2008-08-22T22:05:00.000+08:00

MSN "船公司消息 21/8-5:00PM (3號風球), 22/8-04:00AM(8號風球),09:00AM(9號風球)....."

打風的消息在MSN,SMS各平台不停互傳....

"0華..果風真係好犀利喎!" 各同事紛紛議論明天不用上班!

"今晚歌仔8號風球風雨不改?" "咁今晚仲唱唔唱歌仔!?" (初初都有猶豫..不過反正聽日唔駛番工嘛!而且聽朝先掛!!!)

晚上的銅鑼灣的惠康水洩不通..."你駛唔駛買番d罐頭呀!?"女俠問茄華好!(其實打風都係打一兩日,點解d人真係會搶購食物的!?..實不相瞞,其實前日女俠已經幫媽媽入左貨lu..嘻嘻..我係香港人嚟嘛!!^~^")

高興過後...滿街都是人,地鐵車廂就像平日週末..."聽日唔駛番工..可以訓晏d..發達"

MSN"天文台話清晨掛八號風球機會唔大" 電台"較早前在網上流傳的暴風訊息並唔係天文台發出的,清晨掛8號風球機會唔大" 電視"鸚鵡明中午至晚上才會最接近本港" .......(唔係嘛!傳到咁行..都仲唔係..仲要聽日先中午..唔通番番下工先掛呀!?痴線........) 超嬲...

07:23AM ~ "天文台會在8點前掛8號風球!" "下..又話唔掛,又話中午先到??唔係嘛,琴晚12點先話唔掛,宜家唔夠12個鐘就掛!?天文台白痴GA,話D流料係民間天文台放,點知..人地仲準過佢啦,香港天文台真係廢暴............>~<")

國立海洋生物館

2008-08-17T19:40:00.000+08:00

女俠去墾丁前在網上看見這間海洋博物館,我以為它是在墾丁海灘附近(旅遊景點之一)原來它距離墾丁還有一段路程.在第2天我們離開墾丁開車30分鐘後才到達. 我還以為它只是一個小小的海洋館,怎料它比我想像中大好多好多.呢日我地3點30半到達,知道它7點鐘關門,已經快快地走完一個水族館..之後一個一個..呢個海洋館最大的特色是每個魚缸都好大好大,成面牆咁高咁大,好靚GA!(如果屋企有面牆係咁就.......嚇死人!嘻嘻..

為何還未見到最想睇的企鵝. 原來企鵝在第2個館!? 還有第2個館?經過一條長長的海邊走廊... "夕陽呀..好靚呀..仲有海風tim..拍戲咩!駛唔駛咁靚呀!" 係第2個館有一個3層樓咁高的魚缸.."如果細路嚟,開心死佢呀!" 呢個trip,女俠把相機裡面2GB的memory都用完了!! ^.^

墾丁.山上

2008-08-14T15:48:00.000+08:00

蝦子餅話呢度對出就係唔知咩海峽,再遠D係太平洋喎! 女俠對地理一曉不通... 但確實個海真係好藍好一望無際... 偶爾看到這些風景確令人心擴神怡的!!

向世界出發

2008-08-14T15:38:00.000+08:00

我唸當時人睇到都未必識笑...因為台灣無向世界出發呢個節目嘛!!

哈哈哈哈....女俠專登幫佢咁影GA!!

墾丁. 塔下

2008-08-13T16:43:00.000+08:00

簡直係拍廣告.........................果D境呀!!!! ^.^

墾丁.民宿

2008-08-13T15:55:00.000+08:00

其實墾丁話大唔大,話細唔細, 佢d民宿分布係唔同的地方, 我住的民宿係墾丁的夜市大街後面,是最多人的地方同比較方便的地方. 而其他民宿就要隔一段路程先會有的. 因為墾丁沒有什麼觀光巴士或是什麼公車, 佢單純自己自成一區咁, 所以嚟呢度的人唔係自己開車就係租電單車. 女俠就係度見到好多學生哥,穿熱褲的美眉坐住電單車係條路上奔馳…. 女俠有個感想”咁熱.咁鬼大個熱頭..坐落去辣pat pat喎! ^.^ 我地沿路見到好多唔同樣的民宿,有d真係好鬼靚!! 如果女俠係呢度有幢民宿就好啦! 嘻嘻…

墾丁 . 晚上

2008-08-12T17:02:00.000+08:00

雖然墾丁的晚上很熱鬧,但是可能逛慣台北的夜市,所以呢度我覺得…無咩吸引力.賣的野都係類似泰國果D小手工,BOX T-恤,都經過幾間有什麼辣妹猛男SHOW…但我直覺係..唔太得果D.
好唔容易搵到呢間好樣少少的食肆.啤酒要HK$30. “等陣我去七仔買好過,仲可以儲點!嘻嘻!”
“唔行啦..我要番去睇星星呀,個露台好貴GA,要坐番夠本呀!”哈哈

太重 ?

2008-08-12T16:41:00.000+08:00

因為0岩0岩係冷氣出嚟,所以連相機都變左SOFT鏡! "0華..我上網見過人地玩..好搞笑呀!" "呢D係..小朋友玩0既"(慢慢逐過個字用廣東話講出嚟!)

"咩..小朋友呀..你話我老呀!睇下..佢地都唔係小朋友啦!" "太重...係唔玩得0既!!!" "0華..作死你呀咩態度呀..!&$(#&$X+Y!" "唔係....危險..唔好玩.."震抖中的聲音..

嬲死呀............. >~<"""

P.S 可能D相太蒙,呢個遊戲係墾丁街頭,係個身縛住幾條橡筋,然後係度跳下跳下,仲可以打根斗呢!

沙灘記

2008-08-12T15:04:00.001+08:00

墾丁呢度有好多個海灘,有D沙灘就有好多水上活動(香蕉船,水上電單車),有D就專門滑浪(係呀..好多黑實實拎住塊野好型咁囉! ~*.*~) 有D就用嚟浮潛…總知就好鬼多芭堤雅珊瑚島的活動啦!
我地去左民宿對出的海灘,無咩人GA!係呀..我計過夾埋我地得5個,仲有5個人係D石度捉緊野!!
真係好爽GA, 可惜游左一陣就被海灘巡場驅趕,要求我們到某一個特定範圍游,因為這裡有很多暗流,危險!) 而要求的特定範圍是唔識游要著救生衣,識游都要比番浮板過你,如果你咩到唔要而一個人出去,你將會被吹BB吹係番嚟! 哈..好嚴厲喎!所以係個特定範圍浮左1個鐘就閃啦!^~^

日落真係好靚喎!!

民宿 ~ 浪琴海

2008-08-12T14:10:00.000+08:00

今次找民宿,女俠都是在網上看
(http://www.hotkt.com) 民宿的價錢很參差的, 因為有些專給學生,有椂架床果d都係hk$100晚. 有d好似公寓果d就三四百元,有d可以貴到三千晚(威過威尼斯)因為暑假的關係,蝦子餅話好多民宿已經full左.女俠心水果幾間唔係full就係淨番d四人房,所以求其就揀左呢個唔係心水但係睇相不過不失的浪琴灣(果名好娘呀!)女俠都係貪佢有露台對海,因為呢度主打係海景嘛! 朋友仔睇完相都覺得這間民宿不錯! 拿..只限睇相咋,女俠就覺得相當麻麻地,我不可以話佢好差, 但係真係唔值八舊水一晚囉!我係泰國住都係六舊水有泳池又有bar喎!哈哈哈, 如果真係計, 我唸果露台值五舊,房值三舊!! (廁所無門,得塊搵落嚟的白佈咋,仲有熄晒d燈時,地下會的藍色同紫色燈唔會熄ga,好詭異)V_V”! 所以如果時間許可的話,女俠會walk-in去搵呢!!因為佢地總會留番d房比人walk-in住的縱使佢話full晒!

向墾丁出發 2

2008-08-12T09:55:00.000+08:00

好唔容易終於嚟到高雄啦,我地要去加汽啦,因為車已經差唔多用晒汽! 女俠以為去到高雄就已經距離墾丁不遠.. “還要開多差不多2個小時吧!”"..................@.@................!!"
所以最終…2點先真真正正踏足墾丁這片土地! 呵呵..終於到啦…藍天白雲,水清沙幼,天氣晴朗…..
"好心急..唔知我地間民宿係點0既呢?"

向墾丁出發

2008-08-11T14:54:00.001+08:00

女俠今次去台,做了一件覺得好大膽的事!!^.^就係漏夜開車去玩....我以為睇小說先會見到d主角三更半夜趕住開車去一個很遠的地方睇日出or..... 估唔到女俠都會答允咁辛苦的事!! 去墾丁係我決定,漏夜出發係司機決定0既! 我咩都唔知GA,我淨係知道好遠,但遠成點呢?? "香港去台灣八百幾公里, 由台北去墾丁是四百多公里,開車要開6個小時GA!" "0下....好眼訓喎....!!" "眼訓就係係車上訓囉!" "咁你呢? 你唔訓????" "中途有休息站..我們可以在那裡休息躺一下!" "休息站..咩嚟GA..專門比人訓覺?危唔危險?有無燈? 有無賊? (無辨法啦,我呢D香港人..最怕係咩? 比人呃囉!? 仲有係咩? 怕死囉!!!)

開車不夠半個小時女俠已經訓著左..^~^..之後我依稀記得蝦子餅係一個地方停過下來睡的,一個側邊有七仔而且好光猛的地方.我唸果個係第1個休息站吧! 之後等再醒來已經係天光...

第2個休息站,今次可以下車走走...果然...好大好多野睇喎,女俠真係未見過呢D長途車的休息站GA..,有好大的廁所,有不同的食肆..仲有小型的super market.

8點啦...仲未到喎!!!!

第3個休息站,在古坑! 呢道比上一個休息站更大更明亮....好舒服喎! 雖然睡得不夠,但還不算太疲累吧! ^.^" 因為我無份開車..

之後再嚟到呢個東山服務站..一個比一個大喎!呢度有棵大榕樹...好大好大..好似龍貓裡面果棵咁..^v^..呢度有strarbucks,mr.donut,黑橋牌,七仔...地方大真係唔同d...女俠總算見識咩叫"休息站"!!

咬.咬.咬.....

2008-08-07T16:17:00.000+08:00

看看波仔..佢又長大左,仲有個多月他就1歲啦! 實在太快啦,我仲好清楚記得佢出世果日我就要搭夜機去影婚紗相,他趕得切,我也來得及看他剛出生的模樣呢! 睇下...佢宜家幾粗壯,嘻嘻! 佢出左5隻牙仔啦, 有咩特別, 就係不停咬野,咬咬咬....呢日比佢係女俠紙袋發現左個保暖杯,照道理就唔好咬ga,凍冰冰硬掘掘,但佢都咬到流晒口水咁..真係好搞笑喎!

曼谷 see ya....

2008-07-31T15:34:00.000+08:00

曼谷 080623 ...SPA爽..

2008-07-31T14:58:00.000+08:00

呢間"禪"SPA,係公司妹妹同事介紹給我的,真係好抵,3個鐘都係HK$500.SPA完仲有埋豐富的早餐招待,係張床度食...爽呀!呢度外面裝潢都不錯,裡面的房就SO SO啦,可能始終都有一段時間,所以有點舊.但係咁0既價錢真係好抵囉!女俠無時間咋,佢地有個package spa做半日ga,都係hk$1000. 開心死! 不過令女俠懷念始終都係上次跟果個spa團,最衰果度遠啦,又要坐一大段路的車,下次再比多幾日時間我啦!!

戰　利　品．．．．．．不夠！！

2008-07-31T14:42:00.000+08:00

訓係度0既BAR...

2008-07-30T10:59:00.000+08:00

_ts呢間BAR在去泰國之前,女俠已經列佢為係一個景點,型人蒲點嘛,點可以唔去先!!跟朋友一齊飲酒,開心死啦! 不過呢間野大就係大,靚就OK啦,最特別係好大家都訓晒係度咁..不過係NO SMOKING的,對D食煙的人就極殘酷囉! 哈哈...^.^ 而且都好黑,睇唔到有無靚仔,淨係見到波光四散,D女個個都DEEP晒V咁啦!! ^~^" 入場費每位就hk$150包2杯drinks.食野另計ga. 留左2個鐘左右啦,我地就番酒店.

因為呢幾日禁lift時都見到8/F,名為"我整係知nest係雀巢!!""唔通係養雀仔0既地方!?""不如上去睇下啦!" "好夜啦喎!" "睇下之嘛!" "0華...原來係天台嚟GA,好靚喎! E..有野飲喎!" "好夜啦,你2個仲飲呀!我眼訓,我自己落去訓覺!!" "呢度咪有床囉..係度訓啦!" "你2個梗係飲大左啦!"

曼谷 080622

2008-07-29T15:09:00.001+08:00

第3天因為BC話買唔夠手信的關係,要走多轉翟道翟買拖鞋做手信呢! 嘻嘻..真係好主意,呢日比琴日仲熱仲多人,可能今日係星期日啦! 不過我地都係行左2,3個鐘就閃,因為太熱而且茄華好食完個LUNCH就蘊釀肚痛,可能D野唔乾淨. 我地要番酒店沖涼,因為我地要向林真香出發, 肚餓的關係,之前食果檔好味的雞粉又無開,唯有到七仔買飛碟食. (睇下..我地的膳食真係唔係幾好GA)不過呢間七仔D飛碟真係幾好味,可能…我地太餓啦! 嘻嘻..

p.s 大家有否看見上面有2張相(女俠跟茄華好) 其實呢張相係單人照嚟ga,你睇下2張的我們分別有望鏡同唔望鏡ga,邊張係影我? 我望鏡頭果張咪影我囉! 就係唔知點解幫人影單人照會影埋另一個囉! 簡直天才!! 呢個天才係邊個? 我地得3個人去咋嘛,邊個唔係裡面呢?

等愛的女人

2008-07-29T10:42:00.000+08:00

等愛的女人..1994. 14年前我有看過這套片.琴日偶爾電視在播,某些內容都幾好笑,葉童帶新男朋友出來,她的朋友試探人家,搞到鞋都放在台上…吳興國說”你D朋友淨係識得彈人,彈人地呢樣唔好果樣唔好,著衫唔得…你D朋友仲刻薄!?” 葉童見家長,比人審問完之後,拎支雪茄出嚟係度吹…超爆!!
仲有間屋,葉童半山望中環VIEW果間屋…dream house ^.^ 對套戲無咩太大的感覺,但係首歌就依然好好聽!

曼谷 0806201 II

2008-07-28T10:07:00.001+08:00

HELLO KITTY旗艦店喎!所以D野都唔平呀!但BC就好開心囉.(不過澄清,佢係鍾意MELODY)
行完翟道翟的女俠,虛脫晒.究究呢個時候,做D咩?可以令人精神番呢?..........................開飯囉,食野囉,我地向CHINA TOWN出發啦, 去食海鮮啊!!

去泰國食得最好算這餐,因為我地以血拚為首要目的,不是逛到很晚便是趕時間.而今晚去唐人街係我地行程之一,所以我地可以慢慢食慢慢嘆LU…
3個女生食量如下:
3支啤酒,1支汽水,3碗白飯,2碟生蝦,1咖喱炒蟹,1炒蜆,1燒螺,1燒大頭蝦,1蟹肉炒蛋,2清炒時菜.
呵呵…其實..都唔係好多0者..^~^”
如此豐富的晚餐盛惠港紙3百幾忟啦! 抵抵抵抵….
比之後食果碗燕窩都要@150珠($36港紙)啦!!
好HIGH呀!....食飽最好去邊呢?......................去按腳囉! 哈哈(簡直係快活過生仙呀!)

曼谷 080621

2008-07-25T15:33:00.001+08:00

這天一大早就起床,因為我們要向翟道翟出發!翟道翟簡直是一個令人樂而忘返的地方!!(當然,因人而已啦!)這個地方多野買到係買唔晒同拎唔晒.最重要係更本沒有體力去把它行完.即使今次我們分開兩天行,還是未行完的!對我來說它簡直就是一個酷熱的天堂. 沒錯,這裡全都是鐵皮屋,密不透風,靠就係靠舖頭裡的風扇(在這裡很難找到一間有冷氣的舖頭),同埋每條巷出口,從外面混入來的空氣.要逛這裡必定要有很好的體格, 否則很容易會中暑.
今天我們做了一個很大膽的決定……….就是我們3個人分開行呢? 沒錯,是分開啊, 2個鐘頭後在鐘樓集合. 點解? 因為我們喜歡的東西都不一樣,費時左等右等,浪費時間,我們很講效率嘛! 頂多我們見到好東西,牢牢記住然後集合時交換消息!呵呵..但呢個係唔work的,因為實在太大,根本轉頭就搵唔番.大得可怕啊!

可怕事件:女俠大包細包地一個方向行,由於已經逛了一個上午, 個人已經進入”迷晒”狀態突然間有對情侶把女俠撞一撞, 就係撞一撞這3秒鐘,女俠抬頭看一看四周 “死啦,頭先我係邊度行嚟? 我應該向邊面行呢?” 真係搞笑! ^.^””
創舉事件: BC能夠自己一個人順利完成2個小時自由行!!安全回到鐘樓集合.

4點幾就回程啦!! 太臭啦,要番酒店沖個涼陪恩姐去搵HELLO KITTY 旗艦店(旅遊書係咁寫GA...! ^V^)

曼谷 080620 III (SILOM NIGHT PLAZA)

2008-07-18T11:51:00.000+08:00

嘻..好大杯喎,本來女俠仲唸住叫1LT果D,好型嘛! 我就係有呢種毛病,要唔要? 要! 買唔買? 買! 幾多? 多D好! 邊一種? 每樣執D啦! 所以咩要一餐! 呢個係一個唔好的習慣嚟!!
今餐好辣呀! 嘴到麻痺晒…
呢日我地去左雀仔按摩(腳底)!!可能真係太累,我第1次按腳按到訓著左呢! ^.^

小插曲
茄華 “好痛,可唔可以叫佢細力D?”
女俠 “等我巢下本書細力D點講….(BAO來)…點讀呀?” (沒錯,旅遊書上顯示細力 = BAO來.)
BC “比佢睇啦…!”
V_V” “本書寫中文喎,佢點識睇呀!” 但係BC都堅持比佢睇,當然..人地梗係唔識啦!哈哈…
後來..我地講過”痛”字,(做埋表情)….居然佢地識聽喎….原來BAO讀音係”飽飽”

BC “不如問下佢, 平D點講囉!! how to speak cheaper…….thai language?”
跟住按摩女郎起勢做動作,舉晒手指咁…. (我同茄華都覺得佢係講緊佢自己的薪水,她並沒有回答BC的問題呢!”但係BC就繼續咁講how to speak…how to speak…(哈哈哈哈)
結果我同茄華都同叫BC唔好再問,佢唔知你講咩呀!?
擾養左一輪之後, 我地出左門口之後, BC扯住我地細細聲問我地 “咁..佢即係幾錢人工呀!”哇卡卡.
小姐, 你反應會唔會太遲呀!?”哈哈…
仲有仲有…就係我地離開出門口著鞋時, 按摩小妹妹居然拎左一對 “超娘的粉紅色膠拖鞋比我囉!”(嬲死…襯我咩!粉紅色拖鞋襯我咩! 太過份! >~<”) 就係咁…我唸 “粉紅色膠拖”事件,有排比BC講.

呢晚實在太好笑啦!!!

曼谷 080620 II

2008-07-17T11:42:00.001+08:00

呢一個站係SIAM SQUARE,可能今日是星期五,人流沒有那麼多,不過這次好像沒之前那麼多東西逛呢!不過..我地都有買野囉! 嘻嘻..仲比我地搵到間CAFÉ,影相出嚟靚D,最開心就係有個露台啦,不過…好熱啊! 之後我地就轉戰Pratunam area(水門街),哈..我地坐第一轉的”督督”呀,好刺激,仲好大煙! 大煙?係呀,前面架大車不斷噴出一大團的黑煙出嚟啊!
我地去逛了一個SHOPPING MALL,買了一大堆頭”cool”同手鐲,我仲買左個蛋女夢寐以求的衣架呀!(我一定要買比佢啦,一洗前恥,因為佢成日話我話好容易搵到的都搵唔到嘛!)今次終於比我搵到啦! 然後..再去水門街批發區, 但已經7點啦,好多檔口都收左檔.所以..我地回酒店沖涼轉戰silom夜市啊! Bc已經開始話腳痛啦!

p.s 有無見到張黑白照, 呵..係女俠的背影嚟ga,茄華好拍ga.^.^

曼谷 080620

2008-07-17T10:14:00.000+08:00

這次泰國之旅其實都幾威,因為下星期五就起行的時候,今個星期四才wait到機票,酒店都是第2天才訂下的.呵呵…無法啦,本身wait到的TG要$2500一張機票,現在wait到的OX才$1700呢!相差$800,可以做個豪華的SPA啊!幸好皇天不負有心人…總於茄華好的朋友幫到我們出OX的機票!我地都知OX真係好爛,但是它的時間真的很不錯, 去程8:15AM回程6:10PM(名副其實早機去晚機返)
小插曲:
BC “我地聽日去旅行,去邊度呀?”
女俠 “下..你唔係嘛! 你唔知咩? 我帶你去歐遊呀!”
BC “ 唔係呀..我淨係知道去泰國, 但係去泰國邊度呀?”
女俠 “泰國有邊度好去呀, 我地去芭堤雅呀!” (呵呵呵…^_^)
BC “係呀…咁你帶唔帶泳衣呀!?”
女俠 “帶定囉!”
BC “唉…仲有D咩做GA,今次的旅程都係你同茄華搞,我都無咩做野,好似唔好意思咁喎!”
女俠 “…是但啦,,無所謂啦!”
BC “咁…咁我帶洗頭水果D啦!”
女俠 “ 嘩...唔該晒喎!” V_V””
就係咁…BC到第2日先知道是次的旅程我地係去曼谷!! 芭堤雅呢D陽光海灘,我地又點會自由行呢!
當然去泰國真係好開心,但係同BC一齊就更加娛樂無窮啊! ^.^

今次的酒店環境不錯呀,$600一晚.不過好奇怪他們不可以加床,又不可以1間房訓3個人,但我們明明就是3個人嘛! 所以..我們屈蛇, CHECK IN時,我地好醒目叫左BC係樓下等我地, 然後我跟茄華就要求DOUBLE BED. “唔知會唔會覺得我地有問題, 2條女點解要DOUBLE BED一齊訓呀!哈哈..”
之後..上房都被發現我們3個人,我們當然不認,堅稱我們是2個人的. 我地好PRO,連早上都會收埋1隻牙刷呢!! ^V^
“她是我們的朋友, 泰國的朋友, 是我們請來幫我地按摩的嘛!哈哈” 我地自顧自地說!

足沐傾心

2008-07-09T15:13:00.002+08:00

哈哈..今日係BC生日.
琴晚同佢食完生日飯 (佢話要低調D喎, 因為歲數的問題!!) 傻傻地..

所以我地無特別去唱K慶祝(皆因佢之前一晚已經唱到把聲爛左) (而經過上星期六的通宵,我也未回魂過來呢!?)
所以我地揀左一間CAFE靜靜地咁食呢餐生日飯, 回味我們上個月的旅行, 展望下一次的旅程.
晚飯結束,時間尚早...咁去邊好呢? 因為BC成日強調自己好支力隻腳好痛...
所以我地去左按腳, 沒錯, 我們去沐足!! 哈哈..我們去左一間叫 "足沐傾心" 按腳. (延續去泰國晚上的消遺)
所以今年BC生日, 我們在一個好寧靜和舒適的氣氛下度過啊!
呵呵....生日快樂!!
期待茄華好生日的來臨

豆豆在家的一天....

2008-07-03T14:24:00.000+08:00

沒錯, 女俠假期在家無所事事, 就跟著無所事事的豆妹一齊無所事事....在房坐一陣,又走到廳抖一抖...慢慢...就睡著了呢!! 呵呵....懶洋洋..旅行後的後遺症!! ^.^""

好full, 好rich 啊!!!

2008-06-26T16:52:00.000+08:00

過左一個好飽滿,好豐富的旅程!

身心散落..........................在泰國.

叫我怎麼檢呢!? ^.^

天氣差, 心情差

2008-06-19T18:00:00.000+08:00

已經落左好耐的雨啦! 哈..今天終於有d陽光啦, 但係蝦子餅今晚就要回台lu, 人生就係咁ga la! 總係唔如意的. 呢幾日工作發生了一件唔開心的事, 所以心情超差. 不過...我聽日就會去散散心.
老公話 "唔好為左一d唔值得0既人嬲, 嬲係好花精神ga!"
好..我會儘情去玩ga la...哈哈哈哈

又留倩影.......

2008-06-19T16:50:00.000+08:00

今晚朋友仔搵左佢朋友個老公同我地留倩影! 係倩影,趁青春留倩影嘛! 女俠真的發覺自己不是一個好的模特兒啊, 因為一叫我地完全無FOUCAS咁望住遠方咁扮望野呢, 無錯..係扮望野的時候,就好似鬼上身咁..硬晒! 呢晚又落雨又熱,溶晒呀,仲要攬攬抱抱tim,已經係夜半12點啦, 其實人都唔係好多, 但係就總係有d尷尬! 唔知點解上次影結婚相會咁大勇氣係白天的鬧市影相呢! 可能人生就只有那一次的勇氣啊!

聚會

2008-06-19T16:01:00.000+08:00

嘻嘻..呢日係何娟娟派手信的日子,亦係補祝大美女生日食飯喎! 不過今晚忘記了蛋糕喎!真失敗!!! 好,下次補番, 女俠親手整個啊! 嘻嘻...大美女0岩0岩去完英國, 超貴呀, 兩個人駛左四皮野喎! 當然...真係好靚的一個地方耶!不過無得血併啊! "如果比我去LONG TRIP,而又要無咩野可以買的地方(省好多嘛!)我會去埃及..仲有西安,可以睇兵馬俑...你明唔明..即係呢..好有歷史果D物件呢!?" 用儘方法去表達. "你其實係想去睇..有鬼果D..鬼鬼怪怪果DD野...!" 哈哈...又係喎..果然係跟左我呀!! ^.^

moon

2008-06-19T15:27:00.000+08:00

牠叫MOON

志蓮/ 南蓮寺院

2008-06-19T15:06:00.001+08:00

講都不信,來這裡食齋是女俠最美麗的老闆介紹,確實這裡真的蠻漂亮,所以端午節呢日我地來一次鑽石山遊. 老人家就當然很開心啦, 但係女俠弟弟就不太歡喜,不是不喜歡這地方,而係佢唔鍾意食齋,佢覺得淡而無味,食左等於無食一樣!佢真係好抗拒喎!女俠覺得偶爾食下都不錯,但說真要我一輩子都食齋就真係..蝦子餅梗係喜歡啦,佢仲好鍾意隔離 “志蓮寺院”呢D寧靜環境,不食人間煙火果D呢…善哉善哉!! ^_^ 可惜…我係一個超貪戀紅塵的一個人,所以…他還是要跟著我沉淪下去呢!

釣墨魚的一天

2008-06-19T14:07:00.000+08:00

釣墨魚即係係放一個無魚餌的八爪勾落去個海度, 而隻船開左盞大光頭射向海裡面, 然後就等墨魚…願者上釣囉! 全船49人釣到3條墨魚咁大把啊! 而第一條就女俠弟弟釣GA,大家落足眼力睇下(我已經刻意把照片POST成大SIZE啦!)哈哈…見唔見到呀! 女俠下次會醒目D,自備魚餌釣魚!!

蓋世女俠

如果~~

蓋世女俠 ( 2009 ~

牛 轉 乾 坤...轉埋個blog.....

壞 愛 惰

進 補!?

我 愛 車 衣!!

新 年 禮 物

意式餐廳

黑妞 跟 kingbo

掉 落..............?

我 愛 火 鍋

happy new year 2009

~沉 重 的 工 展 會~

假 期 真 好 !!!

是日廠慶.........休息半天...........

血 拚.......................流血不止........................

活著的証明

麻 甩 仔 ~ 波仔

畫皮

大 件 事!!!!

家有喜喜事

家有喜喜事 - 出門前

家有喜喜事 - 上頭

我 們 都 愛 燒 烤

真 空 鴨!!!

Carrie Chau

1週年快槳!

聖誕又嚟啦!!!

這 是 一 個 婚 禮!!!

遲 來 的 哈 佬 喂.....

記得嘛!?

方炯鑌 ~ 壞人....(好好聽啊!)

陳 生 壽 辰

halloween

南 Y 島.....

榛子蛋糕

萱 萱

再見.........阿里山

阿里山..神木

奮起湖老街/ 生日蛋糕!?

民宿 ~ 四季星空

向阿里山出發

my 飛佛......生蝦汁.....

海 角 七 號

MBD JIMMY KITCHEN ~ CENTRAL

靚相機+靚人=靚相片...^.^""

我 們 都 愛 燒 烤

谷 銀 氣 = 谷 M!?

joanne 授 徒...

白雪先生灰先生

生日快樂...好快樂!! ^.^

天 生 一 對

上了年紀!?

my baby & me

O.BABY.BALL.BIRTHDAY~1 year old

一 生 不 可 自 決

謝謝你的月餅啊!

中環 ~ wagya ~ c姐慶生

月餅/生果/鐵觀音=腸胃炎

要 健 康 啊!

隔 離 台 好 嘈 喎!!!

心 酸 酸.....的!!

靈 異 事 件!?

PIZZA 輝... 嘻嘻...

CHOCOLATE CONCORDE(君悅酒店)

王文華最新愛情小說

監 獄 兔

鸚 鵡 ～ 9 風 球

國立海洋生物館

墾丁.山上

向 世 界 出 發

墾丁. 塔下

墾丁.民宿

墾丁 . 晚上

太 重 ?

沙 灘 記

民 宿 ~ 浪 琴 海

向墾丁出發 2

向墾丁出發

牛轉乾坤...轉埋個blog.....

壞愛惰

進補!?

我愛車衣!!

新年禮物

黑妞跟 kingbo

掉落..............?

我愛火鍋

~沉重的工展會~

假期真好 !!!

血拚.......................流血不止........................

麻甩仔 ~ 波仔

大件事!!!!

我們都愛燒烤

真空鴨!!!

這是一個婚禮!!!

遲來的哈佬喂.....

陳生壽辰

萱萱

海角七號

我們都愛燒烤

谷銀氣 = 谷 M!?

joanne 授徒...

天生一對

一生不可自決

要健康啊!

隔離台好嘈喎!!!

心酸酸.....的!!

靈異事件!?

監獄兔

鸚　鵡　～　9 風球

向世界出發

太重 ?

沙灘記

民宿 ~ 浪琴海

戰　利　品．．．．．．不夠！！

志蓮/ 南蓮寺院