終 結

終於完結這忙碌的四月了!!!

oh....my....god...

太殘忍啦....為什麼 .....怎麼可以幫狗狗弄成這樣子啊!! OH...MY...GOD!!

我最愛的節日 ~ 清明節

又係唱生日歌的時候!!

依花車生日呀! 去左位於蘭桂芳果度一間食"俄羅斯菜"的餐廳. 最好味係個飽囉! 其他..都無咩特別,係都係食意粉同肉...不過最唔好味係個湯囉.佢地話俄羅斯最出名係湯喎!! 女俠唔識GA,我淨係識俄羅斯輪盤咋! ^V^"" 果個湯紅咁咁..口感似汁多過湯囉..呢碗野要六十幾蚊喎! 不過氣氛就唔錯,有唔知係咪"俄羅斯人"唱生日歌比我地聽,仲好熱情咁要同我地影相囉! 而佢地的賣點係一間好似雪柜的房可以入去飲野,仲提供埋FUR比你TIM.見唔見到我同JOANNE加冕緊...哈哈!!

一個好爸爸

麻麻地..真係麻麻地..鍾意古天樂的人應該會好鍾意睇,因為佢係主角中的主角,成套戲佢由頭帶落尾. 而劉若英就少佢戲份好多.話就話有個小朋友,但係小朋友戲份都好鬼少,都係純粹話黑社會爸爸的古有左個女之後的改變!! 因為呢..佢裡面有講好多宗教(唔知耶穌定聖母)!!所以無信仰的女俠有d頂唔信佢開口埋口都祈禱,信主得救...! 仲有..唔知點解劉若英係套戲裡面好老,扮唔到後生女!套戲有成兩粒鐘ga...可能拖長左..就會覺得悶左d啦!

所以我比70分!!

攣到暴 (不能拗直版)

你身邊的人是BBH,KEN WONG定林子健呀!?

好耐無睇過舞台劇啦! 對上果套好似係"男人老狗"(我頂唔住詹瑞文果套喎!!)

再之前就真係唔記得左啦..不過最深刻果套係"遇上一九四一年的女孩"!好好睇.

謝謝茄華好帶我去睇耶! ^.^

泰 開 心 DAY 5 (26/2)

Last 一天, 今天決定要去翟道翟,就算個個人都話佢平日係唔開!! 所以安排爸爸媽媽繼續跟團去遊覽佢地的湄南河. 我地就去行翟道翟, 果然..大部份都無開,除左買動物買家具. 其他買衫買手工..總之係..靜英英! 不過唔打緊,嚟到今日女俠都好鬼支力, 最開心莫過於女俠的弟弟,見到d魚開心死! 就當係陪佢嚟行下, 順便見識下我介紹比佢的翟道翟啦! 嘻嘻..
中午時候就番去會合兩老, 因為之前佢地都食過旅行團介紹果個”全曼谷至高”果度呢..所以今次大家都無去, 我地係附近的商場food-court 食野, 我仲發現到呢度超多野買呀!!新發現 ~水門街.
下次我地要去行下耶!! 因為去到機場仲有千幾匹,所以食盡去啦! 仲有..今次旅行團的導遊真好,佢帶左我去做退稅呀, 我都係第一次退得番d稅. 雖然唔多,但係多一百忟港紙食野唔係好好咩!
要上機啦....女俠等佢地去廁所時候去睇野, 結果..." 你唔係嘛, 公仔都唔放過…!” 就係咁..我又多左2個布公仔啦!! ^.^
就係咁5天4夜的trip就結束啦! 真係泰開心呀! 我只可以講一句 “ I WILL BE BACK.
謝謝!

泰 開 心 DAY 4 (25/2)

超開心,呢日終於嚟到女俠最愛的spa!! 無法啦,我呢d懶得就懶,嘆得就嘆0既人,最鍾意訓係度唔駛做啦! 我參加呢個團最主要係佢個主題係SPA.佢介紹話係全泰國第3大的SPA中心,全曼谷最大喎!! 但確實真係好大,成間宮殿咁款,幾鬼靚!!呢D就真係睇電視果D旅遊節目介紹果D嚟GA. 對比我上次同茄華好去果間野,把鬼,唔係..係見鬼就真呀! 成個SPA的療程係首先換好衫,著果條褲仔唔係紙GA,係質地好的底褲囉!嘻嘻..換好衫就去做20分鐘瑜珈! 最搞笑係因為翻譯果日放左假,由我地麻甩佬的導遊一邊講唔正的廣東話一邊做佢D瑜珈動作.呢個導遊真係唔話得GA!! 瑜珈之後就去沖涼,steam再做spa, 成個spa total用左3個鐘.所以真係好抵,而且d女仔靚過上次果d多多聲耶! 嘻嘻...導遊話,呢度如果唔係經團呢就3500銖/個,經團就2800銖(即係要$700,好好啦,上次把鬼都要$500耶!)呢個導遊話下次再去泰國打比佢,佢幫我地訂咁就可以用團價呢!
做完spa, 大家都腫晒咁!! 今日lunch打邊爐喎!

下午時候有2個小時的自由時間,今次我們沒有逛shopping mall,過左對面的siam square行商場仔.對上果次嚟都好耐之前,幸好..買合裝T-恤的舖頭都仲係度,好靚樣同好抵GA.
你睇2個老人家已經行到….坐係人地舖頭前面LU..
晚上再到夜市啦,不過…最後作戰的就得番我,細路同呀C. 因為另外2個老人家要回酒店休息,而女俠的蝦子餅經不起女俠的挑戰生病了回酒店休息!! 呵呵….
聽日要走啦,今晚LAST要影下D戰利品耶! ^.^