鍾菜

這晚是我們英名神武的joejoe生日.>~< 咱們來到"鍾菜",初初女俠上網找尋這間餐廳,都沒說過價錢是怎樣的呢!後來朋友仔 "wow..呢間野專食鮑心翅肚,懷舊炸大腸都要$100" 女俠檢視過菜牌,沒有一個小菜是7字頭,個個菜動輒都$80以上耶.真係豪....^.^....

"陳小姐,今晚你需唔需要留d咩菜呢!?因為出名果d好快就會售罄"

"...留菜..有d咩菜出名呀?..雞..好呀..你幫我留隻囉!" 生日嘛,應該食雞0既..嘻嘻.. 因為佢講得太快,女俠淨係聽到隻雞字,其他咩都唔知呀! 所以女俠專登搵下我地食果隻係咩雞嚟先...

~石榴脆皮雞半隻$148!! (都幾抵喎! $148..咪住先..半隻..咁留一隻咪$300 v_v"") 3佰蚊隻雞呀呀!!!所以我地專登影抵左佢囉! 0華...好豪呀...隻雞.. 哈哈哈哈

做你的公主

今天無意看到的,嘻嘻..

798 UNIT & CO.

前日跟朋友仔來到呢間789UNIT & CO.經過幾日的白粥麵包日子,這天終於有胃口了.YEAH..

我們3個人點左1個Caesar,1個蘑姑(本來佢跟main course,但亦可以散叫bor),半隻去骨的燒雞,一個海鮮寬條麵同1個Tiramisu配芒果雪芭. 可能女俠餓左幾日,所以覺得呢餐唔錯喎! 尤其是佢地供應果d麵包同Basil Sauce同蒜蓉牛油(勁似嘉頓白蔥餅).呢餐合共$480元.價錢都ok! 不過呢度好嘈,好多人係度飲酒傾計…. 女俠最鍾意係呢度地下果d藍白磁磚..好靚仔ga....(唔記得左影相tim^~^”) 下次試下啦!

好易中,好易買餐餸

呢座似神主牌就係新葡京賭場啦,好醜樣呀!三尖百角咁..好大殺氣喎!媽媽話似花樽,D錢入晒果肚度喎..哈哈..爸爸話似機械人喎(呢個最唔MATCH..睇唔出邊忽似!?嘻嘻) 星際娛樂場呀,下面黃色巴士有梁朝偉果樣GA,我專登影比蛋白女孩睇GA,佢係佢FAN屎嘛!嘻.. 另一間係”永利~WYNN”裡面好鬼靚,好想下次試下住耶! 我鍾意呢個賭場多過金沙,呢個賭場靚D…. (要試下啦大家!)

祈福

因為之前已經安排好陪爸爸媽媽去澳門拜四面佛,所以燒住都要去!(買晒飛訂晒房嘛!)
好彩出境前燒都退得七七八八再無出現腳軟的情況,而且出境並沒有探熱機運作.都算順順利利.食完藥,呆呆滯滯,第一晚玩完角子老虎機就早抖LU..V~V”
因為病的關係,可能女俠果樣好衰,上車居然有人讓座比我 “你大肚,你坐啦!” (仲唔夠樣衰!?)
女俠媽媽細細聲同女俠講” 大吉過佢,痴鬼線!” 哈哈… (究竟知唔知咩叫FAT唇??宜家D衫係興呢D寬啤啤嘛,嬲死!)

發燒

女俠無啦啦發燒....仲燒左幾日....仲打左2眼針...屁股瘀左一大忽

無知 = 無知識!!

訊息: “今天你不用來,因為我無返學,但是明天一定要來補習” 貪吃青少年傳給我的.
女俠致電 “點解佢今日無番學?唔舒服呀?”
少年媽媽 “係啦,肚痛喎,今朝坐係個廁所好鬼耐呀!”
少年接過電話
女俠 “做咩肚痛呀,梗係偷野食啦!” (我估下咋)
少年好驚訝 “你點知GA!?” >O<
女俠 “下..點呀!?偷咩食呀, 食生腸仔呀!?” (我亂嗡呀咋)
少年 “我唔想開火呀,會嘈醒爸爸媽媽!!”
女俠 “咩話!? 你真係食生腸仔呀!!!唔係化,用叮叮咪得囉!! (女俠有點暈) >~<”””
少年 “微波爐都有聲GA!”
女俠 “你有無常識GA!? 你唔係生食嘛!?” (救命呀!)
少年 “我用熱水沉囉”
女俠 “都唔會熟bor, 食你唔死算偷笑啦! 下次唔好啦!”
少年 “我知啦!”
>V< >V< >V< (各位,你聽到之後有咩感想呀?)
唉.........................................................

where're you?

女俠真的不明白拿住支棍跟帶住個手套拋波然後走來走去有幾好玩?還要每個星期都不分早上,下午...,還要是兩個隊目在身上,有自己的球衣,LOGO...會唔會..加起來都好幾百歲啦!哇卡卡... 女俠還是覺得逛街血併來得健康, 點解!? 嘻嘻...帶動社會經濟繁榮嘛! V^.^V

究竟邊個係你呀! 聰明的你,猜得到嗎? 呵呵......

好聽

好聽

詞：吳克群　曲：吳克群
編曲：Op.dan　製作：陳建良

你說的話　我都相信　說的好聽　說的甜蜜

你說的每一句　我都相信

為了愛情　失了聰明　聽你的話　閉上眼睛

這個夢多美麗　讓它繼續

你說的話總那麼好聽　你愛不愛我不能確定

也許你只把它(愛)當遊戲　我卻愛的太用力

你說的話總那麼好聽　你愛不愛我不想確定

我會關掉你送的手機　然後靜靜不去理

你說的話總那麼好聽　你愛不愛我不想確定

我會關掉你送的手機　然後　靜靜　輕輕　是在也不去理

BBQ

這晚爸爸的同事又舉行了燒烤大會,他們的活動健康得不得了,不是行山就是環島遊.

女俠次次都參與的.^~^

在燒烤途中,女俠的美食吸引幾多喵喵來,4隻呀,一家大細呢! 我比左好多野佢地食呀....

呢晚仲發生左一段小小的插曲. 突如其來有隻好肥的小白(白色西施),左搖右擺走過來.可是沒有主人跟帶她呢!?當大家都好疑惑時,聽到慘叫一聲,原來有隻啡色大狗(唔知咩狗種)欺負小白.結果小白匿在椅子下不肯出來.不管女俠用食物引佢或是拉她出來! 結果叔叔硬把她抱出來. 她還是呆呆的,大家都認為她一定被嚇倒了.有人看見她是從後面房子走出來,於是我們把她帶到行人路上,好讓她能自己回家.她一邊嗅一邊走遠了… 沒多久有個女人來尋狗喎! 女俠說"下..你宜家先嚟GA,佢走左啦,頭先比隻狗恰佢呀!你做咩由佢自己亂走呀!?” “我都唔知佢走左出嚟,死啦,我搵左佢好成個鐘啦!”大家都嚷著“你去果邊啦,佢走左果邊呀” “不好了,她是瞎的!!” 大家都好愕然! 於是女俠就跟呢個女人一起去搵呢隻原來叫”蕃薯”的小白囉! 幸好….沒多久便發現她了,她己經自己番屋企,站在門口等主人了.好好彩呀! 真係好好彩,唔知我家的豆妹會唔會自己番屋企呢!? ^~^””

晶宴

這是台灣其中一間專用來設宴的場地,名為"晶宴".看起來蠻不錯的.原來台灣也很多人結婚. 參觀了五個場地,每天都有人在擺酒呢! 而且台灣結婚是沒有打麻雀這回事(非法喎v_v")還有出門不會穿紅噹噹的"掛"而穿著白色婚沙(很西式耶!?)還有..我們都會在開席前影相,他們卻不會呢,待一切結束完才會合照的(莫名其妙!)另外他們7點開席9點結束!!(十隻烏鴉飛過!!!) 文化真的很不一樣呢!

在當初要找場地時,女俠會在蝦子餅send給我的website上做功課.篩選一下,然後再由他親自看看,如果不錯的話就預約女俠在台灣時去看看和了解. 今次女俠去左5個場地. 我想地方大是關鍵,香港寸金尺土,所以沒得比較.無疑台灣的結婚場地真的寬敞和精緻很多!!

但女俠認為,跟對的人在一起,那裡都會是最美的地方啊!

未來的家

萬眾期待(呢萬眾就係女俠,同爸爸,媽媽) 我未來的新家.裝修了好一陣子,終於有少少形浮現出來了.看看我的廁所(比較像樣了)沒錯,已經好像樣了v_v".剛開始女俠真的抱怨為什麼工程遲遲都未完成.總是一腔責備的口吻去詢問蝦子餅,亦憤憤不平為何裝修工人可時常放假(至今亦是啊!)但今次看到原來把整間房子拆掉再裝修真是極痛苦和困難之事.還要委身暫住細少的房間,還有帶來家人和狗隻的不便跟困擾,還有那些無形的壓力,女俠覺得有點慚愧和內疚呢!!("你好慘呀!""事情總會過去的,將來一定會好好的啊!女俠只可以跟他說) ^~^"" 但願一切都能快快過去,美滿圓成,好讓大家都能過回正常生活並能好好安睡啦!感謝你為未來默默苦幹. thank you!

GRACE HILL

這裡是"GRACE HILL"(麗庭莊園).亦是女俠結婚宴客的地方,2007年11月20日女俠將會踏入人生另一個階段啊!^.^

其實這裡女俠跟蝦子餅最初看的時候都蠻喜歡的,但始終未看過其他嘛,所以都會搜集下資料呢!而且女俠未去過台灣其他結婚的宴客的地方,所以先走走看看別的場地,說真的,每個看的都很不錯,但相對GRACE HILL,當然是她最好啦!因此我們就決定在這裡跟大家度過我倆最難忘的時刻!! 謝謝

GRACE HILL http://www.grace-hill.com.tw/index.html

不思議事件

在女俠上飛機前收拾行李一晚,磅行李時,"依..十幾KG喎,仲可以帶多個細喎!"於是女俠就將部份冬天衫放係個細行李度拎去台灣存放. 到台灣過關時,因為我沒有填到入境表格,又排長龍,搞到好夜,女俠去到行李輸送帶時已經包尾,行李零零星星散落在輸送帶上.女俠見到自己的兩個行李緊緊靠在一起,梗係馬上拎落嚟啦掉到行李車上就走! 因為蝦子餅家裡裝修的關係,呢幾日我要住3樓比較細的房,女俠將呢將果件存放的細行李,放左係門後面.直到走果日,蝦子餅問我有無呢個細行李的鎖匙,但係佢開左好耐都開唔到!? "無理由喎,呢個鎖係爸爸比我bor,佢仲開過比我睇tim,等我試下先..依...真係開唔到喎..依..呢個"口急"唔係我ga" 無錯..係拎完行李4日之後,女俠先發現到呢件行李唔係我ga,我拎錯行李!!v_v"

飄機記

"因為較早前香港發出了雷暴警告,香港機場關閉了一段時間,現在有很多飛機排隊降落,而我地班機現時排第26架,機長估計3分鐘降落一架飛機,我們將會75分鐘後才能降落,現時我們於香港上空領域盤旋等候,由於會遇到不隱定的氣流,請各乘客安坐坐位並扣上安全帶,直至我們下一次的廣播,謝謝!" 女俠個胃同架飛機一樣發生狀況,好唔舒服啊!結果原來10:20分抵港時間變成11:20分才抵達.呢程飛機真係難捱! v_v"

.

真的不可以嗎?

忌 「 喜 沖 喜 」 、 「 喜沖 喪 」 、 「 喪 沖 喜 」 「 喜 沖 喜 」 意 思 是 說 在 同 一 年 內 ， 一 個 家 庭 不 宜 舉 辦 兩 個 或 以 上 的 婚 禮 。 一 對 新 人 並 在 婚 期 前 後的 一 個 月 內 ， 忌 參 加 別 人 的 婚 宴 ， 以 避 免 沖 犯 。 「 喜 沖 喪 」在 婚 期 前 後 的 一 個 月 內 ， 一 對 新 人 忌 去 醫 院 探 病 及 參 加 喪 禮 ， 以 免 招 來 不 吉 利 的 事 情。 「 喪 沖 喜 」如 家 中 有 直 系 親 屬 去 世 ， 整 年 內 不 宜 舉 辦 婚 禮 喜 事 ， 否 則 可 能 會 有 生 離 死 別 的 事 情 發生 。
參考資料:
蘋果日報

清明節合家拜山,當有人提起在同個月結婚是不能出席對方的婚禮飲宴.十張嘴就挾住女俠了."是真的不可以耶!" "是你的終生幸福啊!" "這樣人家也是不好的,相沖呀!" "有擇日就是相信中國傳統吧!" "我們是中國人嘛!幾百年傳統是這樣的,可能不信!" "!*(#*,你聽話啦!等滿左月之後大家聚在一起吃餐飯就好了,禮物也是不能送的!" "呢D無得就GA!!" V_V"
女俠百幾個感嘆號在頭上呢!!!!!!!!!!!!!!!!!!!!!!!

我開始買BB衫啦!

咪誤會,唔係我有左!!^~^"

只不過宜家行街買野己經唔係再淨係買自己野.開始睇埋D BB仔野,買定比我個契仔同菠蘿個侄仔.小朋友衫就係超級可愛,細細件咁,女仔款仲靚!!上次去H&M都唔夠時間行童裝同男裝.所以今次先行,D衫仔都唔貴,!揀BB衫,媽媽話唔可以太花巧,有太多鈕怕會整親BB,太多裝飾又怕太重壓親BB,最緊要係質地好,同舒服...所以我唔敢買太型果D,有晒襟章又連帽果D花巧野!豬仔快D乖乖出世,快高長大,等女俠契媽買條工人牛仔褲過你耶! 嘻嘻...