其實呢個團都幾好,全團D人都係後生仔女(女俠都算後生女呢!呵呵..)而且8成煙民... 大家都不拘小節,晚上一起到唐人街食海鮮,我唔識GA,我地都係跟大隊咋,嘻..又多個地方,下次可以嚟過!呢度食野好抵呀,海鮮啤酒燕子口水..(我地22個人..每人100蚊唔駛)佢D生蝦大隻到塞晒我個口,你食過先知道咩叫"口感"呀!^O^(女俠極力推介)
P.S有無見到我拎住個箱呀,本來唸住買比奀仔(太細,唔0岩我豆豆)但係..V_V"奀仔都唔會街街GA LA...所以好平..但買左都無用. ^.^"
星期二, 10月 24, 2006
DAY 3 (SUAM NIGHT PLAZA & 唐人街)
其實呢個團都幾好,全團D人都係後生仔女(女俠都算後生女呢!呵呵..)而且8成煙民... 大家都不拘小節,晚上一起到唐人街食海鮮,我唔識GA,我地都係跟大隊咋,嘻..又多個地方,下次可以嚟過!呢度食野好抵呀,海鮮啤酒燕子口水..(我地22個人..每人100蚊唔駛)佢D生蝦大隻到塞晒我個口,你食過先知道咩叫"口感"呀!^O^(女俠極力推介)
P.S有無見到我拎住個箱呀,本來唸住買比奀仔(太細,唔0岩我豆豆)但係..V_V"奀仔都唔會街街GA LA...所以好平..但買左都無用. ^.^"
THAI FUN:DAY 3 (2006.10.13)
第3天要早番去曼谷,佢地又利用去程時帶左我地去傳說中果個"把X'的海洋世界囉!V~V"
之後就帶左我地去海味街其中一間"UP DUM"野買手信!嘻嘻..係果度我見到第一隻見到的泰國豆豆妹(之前仲同菠蘿講話呢度0甘熱,唔知有無松鼠狗呢?)
呢隻泰國豆豆妹係男仔嚟,唔怕陌生人,訓係度任你"猜"耶!
原來我地參加呢個團有個環節係釣魚ga!
哈哈..我同茄華去到先知咋!(笑死人!)完全唔知自己參加咩團!! 菠蘿好enjoy呢d戶外活動,我去左邊?我梗係匿埋左啦!佢番香港之後仲專登約我老豆去釣魚tim.
傻傻地...
晚上我們去了一度叫"SILOM VILLAGE"食飯,導遊
話這區是旅遊區,所以地方靚D亦貴D喎!0甘的而且確呢度幾特別0既,但係我地個餐麻麻地咋喎!但我係樓下就見到人地D檔口好多海鮮囉!下次自己嚟就可以試下LU..^V^我地4個人合照,(40匹咋,1個十匹好抵呀!CLARA話因為菠蘿會番台灣,比左張即影即有佢帶番台灣呀!嘻嘻,多晒)
終於有街行啦!呢晚我地去行SUAN LUM夜市(記得上次我嚟唔夠時間行,想自己行多一陣,點知比老細"吱"我呀)今次點都行番夠本啊!跟CLARA去到買狗仔的舖(我之前無行過GA)0華...D衫仔超靚,花裙仔,吊帶褲,比堅尼款,捧球款....發晒光啦我對眼!哈哈哈哈哈...睇下我D戰利品, 真係好開心GA. 之後係夜市裡面見到MOCHA BB呀!好CUTE耶!! ^.^
星期一, 10月 23, 2006
DAY 2 (酒店泳池 & SPA)
呢間就係芭堤雅0既酒店,嘻嘻..都OK靚樣....外觀. 隨左對面係地盤,沖沖下涼停左電,同埋D水一時好熱一時好凍0甘0羅!
無去珊瑚島游水所以係酒店游下,唔好晒左我件泳衣(蛋女同我一齊選GA)嘻嘻..好耐無游水LU..所以都幾開心
晏晝游完水就要出去,因為要跟番團去泰式按摩,但係按摩前就比人屈左食燕子口水同魚翅..點解叫屈?就係泰國領隊同你講: 我地今晚8點幾先食飯,所以宜家早D帶大家去食少少野,0拿..之前已經有團友一落機就問幾時去食翅(我真係想知邊個團友0羅!)好抵GA,呢間野係芭堤雅好出名,2個人可以選個800匹0既套餐!真係唔錯GA!)哼..一落車就係門口,無得揀,一定要坐入去,0甘樣無理0甘肉酸一D野都唔叫嘛,所以4個人叫左800匹0既餐0羅!我唔係連少少錢都唔肯比,只係我覺得佢"監人賴後".V_V"之後又帶我地去珠寶城0羅,上次我都有去過,不過今次呢個有火車坐GA,好似0係迪士肥玩小熊維尼0甘,坐車裡面有野睇!講d珠寶0既開發,歷史.後尾仲有段說話"寶石0既美麗係無價,而要在世界上找一樣野去代表佢好難,就好似愛情0甘亦一樣,所以要見証一段愛情最好代表就係寶石....."(係0甘上下啦,呃人呃到死呀!)
之後我地就去左古法按摩,呢個環節都係我至愛,我呢D骨精嚟嘛,所以我同菠蘿都加錢按2個鐘,因為佢FREE 1個鐘比你. 嘻嘻... 本來我已經搵好spa(之前係上網已經做定search好晒嘛!)點知搵左好耐,搞到幾多個士佬都擁埋嚟搵地址(但佢地都流流地ga!!)v~v"之後kelvin就話去酒店問人,結果佢地幫我地打左電話去果間spa,哼..居然10點收工囉!(都唔係做生意ga!)唸住去royal garden裡面間spa,結果都係收10點.十個唔開心有十一個v_v""本來都有唸過出番曼谷先做ga,但係又怕時間唔夠喎,所以咪死死地氣打比導遊,跟佢地果spa,都知會比人呃,但係唔知道呃得0甘盡.2500匹,果間"up dum"野,成條間得佢一間0甘,其他都好似未開發.入到去,唔好提啦!!好彩..同我做spa果個女仔好後生ga,仲幾靚tim(我又再一次提佢啦!)同菠蘿做果個呢...哈哈哈..靚唔靚就見仁見智啦,但係一定好有經驗囉!(經驗係隨著年紀成正比)~^o^~
呢個spa叫"HEALTH SPA"靚到"0華""0華"0華"聲.(係CLARA行街見到GA)但係好貴呀!8400匹(4個小時).係門口影相當去過囉!果個係"芒果糯米飯"係芭堤雅MICK門口D生果檔買0既.超好味^Q^
THAI FUN:DAY 2 (2006.10.12)
第2天早上其他團友去左珊瑚島,我地4個就無去.其實去唔去都爭扎左好耐,唔去珊瑚島又怕無野做喎,去又怕悶喎!(好矛盾)結果都係無去,所以第2朝可以訓晏D(我地就11點幾先起身)茄華佢地就好似好早起左身去食早餐同游水0羅!
0甘呢..我同菠蘿就先出去食左野先,晏D先同茄華佢地會合.
係芭堤雅早上的街頭已經很旺,當然不及夜晚啦,因為夜晚好多五光十色的露天酒BAR,又多鬼又多女0羅! 嘻...
我地無意中搵到間街頭餐廳,無冷氣GA!!但係佢真係勁抵呀,個早餐0甘豐富都係十幾蚊0乍..我仲"目及"到佢有D咖哩飯,冬陰公..都係20港紙.
仲有..呢度有個特色就係好多鬼佬嚟搵泰國女仔,食早餐隔離3,4張台全部都係0甘樣,有D仲幾對一齊,好似PARTY,好開心喎!V~V"
DAY 1 (老虎樂園 & 猴子園)
好彩我地0既行程跟足原著,第1,2天係芭堤雅,之後先出番曼谷,而且"夢幻樂園"係尾2果日.開心死.係入芭堤雅的2個半小時車程,就帶左我地去睇動物0羅!!無無聊聊0甘0羅,旅行團預左0甘LU..^~^""
成個TRIP最唔鍾意睇呢D動物,唔係因為唔鍾意佢地,而係見到佢地表演比你睇,你會覺得佢地好慘.因為佢地好瘦GA,又辛苦喎!我唸養佢地0既人一定唔比飽飯佢地食0者!同老虎影相,我見到果D人手揸住碌棍,隻老虎唔望鏡頭就"亨"佢塊面GA!仲有D什麼"溫馨的家"喎,有狗有老虎有豬仔,我就唔信隻老虎大左唔食左隻豬呀,仲有隻狗係金仔嚟GA,濕鬼晒係個籠裡面,長年歲月都0甘,會生病GA.仲有D馬騮呀,綁住條頸跳火圈,刀圈,潛水咩都做呀,唔肯做就抆佢條頸圈..幾陰公V_V"(菠蘿話係沒辨法,他們做了人類搵食工具!我都知係0甘,好多都仲慘TIM,但睇到真係有點唔舒服嘛!)
去到芭堤雅入住0既酒,係外面睇都幾靚仔,房間就差少少啦,但係個露台可以望到海GA(菠蘿好開心0羅!)夜晚我地同茄華,KELVIN一齊去行街0羅!我地係比其他團友多時間行街GA!點解?哈哈..因為旅行團RECOMMEND所有0既咩SHOW物SHOW,我地一概都無JOIN,一來無咩興趣,二來唔想花錢睇0羅,留番D錢買野好過啦!就係因為0甘..我地唸..我地4個係不受歡迎人物,無錢比佢地賺,又成日離團..^~^!!!
見唔見到呀,有榴槤食呀,我仲買左可樂飲tim..哇哈哈哈哈.....
THAI FUN:DAY 1 (2006.10.11)
嘻嘻..終於有少少時間整個泰國遊記啦!好友仔~茄華已一早POST啦!朋友仔可先收看我地精彩0既一面係她的BLOG.^~^
旅行出發當天,因為要早上5點45分在機場集合,所以要倒紙0甘早4點45分出門口.我記得那晚我是12點多睡,但就輾轉反側(訓唔著嘛,緊張呀去旅行!5月女俠弟去完泰國,女俠好想去LU..同埋菠蘿一齊去呢!) 呢日茄華就CALL左的士,去完柴灣接我地再去"張尊咬"接佢同KELVIN!(去0既時候我地D行李箱都係0岩0岩好塞入車尾箱,真擔心番嚟時唔夠裝,哈哈..)
我地住OX(泰國東方航空)聽個名好似幾威喎!!V_V"但係出發前我先知佢專買人地D舊飛機GA,尤其是中華航空,聽完個心寒一寒!!唉..再坐係架飛機裡面,睇埋佢個飛機餐,嬲到爆呀!連菠蘿食左兩啖都唔食就知道有幾X難食啦!下次我一定唔會選擇OX,我上網睇人地坐"斯里蘭卡航空"不知幾好呀!有餐揀GA食飯果陣時.^~^
(泰國機場大就大,但係好鬼亂,人又多(塞到死,D行李車又大架,個樣好"遲鈍")我相信佢有排先至可以順利運作呢!
訂閱：
文章 (Atom)
