心中有鬼

在五月花廣場食完飯就回酒店check-in,本來打算這晚便去"揼骨",怎料經過酒店樓下一間的"戲院"上映"心中有鬼",哇卡卡...皇天不負有心人,12點20分最後一場,放低行李落嚟就睇到lu..女俠好鬼開心,因為香港無得上呀.好難得ga ma.....!! 套戲都幾ok好睇啦,咪係果d淒美愛情鬼片咁囉.但係劉若英小姐真係好靚,雖然佢同范冰冰年紀相距甚遠,但係她依然是最漂亮的.^.^佢帶果個bob頭的假髮,都幾襯佢. 呢套係鬼片,但唔恐怖,講恐怖都唔夠間戲院恐怖,"晦晦舊舊""昏昏暗暗"唔係因為劉若英,唔係因為有菠蘿係度我都嚟.間戲院分好多個細影院ga,我果間有49個位,開始賣廣告時,就會有人手"啪"牆上的制息天花的燈,到開場就息埋牆上的燈,女俠下次係屋企識得點營造睇電影的氣氛,本來打算影下相post上嚟,但係我怕影到d唔應該影到0既野,哈哈..

廣州五月花廣場裡的"至愛(GI)餐廳"

呢度好鬼靚,女俠係網上面見到有人去過,所以抵達廣州未去酒店CHECK IN就拖住個喼嚟呢度食晚飯.有中式亦有西式.D野都唔算好平,味道一般仲比較細份.總括嚟講都OK,唯一美中不足就係佢呢度有個無咩野食0既自助SALAD BAR.上面有幾款糕點同幾塊菜...(要每人加18元)我地梗係唔加啦!!點知..我地叫呢個SET有個DESSERT,而呢個DESSERT.....(女俠見到佢地大啦啦咁係果個"自助SALAD BAR"夾出嚟!V_V")咁樣做真係唔係咁好喎!!但D服務員又好鬼死友善親切喎,臨尾仲幫你爭住拖喼TIM.真係奇怪...我同菠蘿研究過,佢地0既問題就係佢地唔覺得自己有問題(當住客人面挾BUFFET BAR比人客)呢晚我地2個人食左180元正.

廣州遊

放假香港無咩地方去,因為上次對果間廣州十甫假日酒店有很好的印像.所以我地又北上lu,今次仲多左2個朋友仔tim(可能女俠不停咁sell啩)上次2日1夜唔多夠時間,今次就去3日2夜啦!今次我地揀左搭火車(從深圳坐個半小時就到廣州東站$70再轉4蚊地鐵就到酒店)不過呢班火車就唔係好得,好舊而且開車仲有人係度掃地同拖地,好騎哩!!女俠偷拍左坐係對面0既3母女,悶到發慌...

合家歡

合家歡

年初一晚食完飯,有人提議去唱k,等我地呢d後生帶d老人家去威下喎!!所以大大小小就去左ceo唱歌仔囉.但最後老人家都係度賭錢,得後生0既我地唱歌仔,最細果個唱最多耶!! 睇下個初一0既生果盤,好鬼靚呀!佢地只不過玩21點,玩左3個幾鐘,表哥仲贏左好多錢喎! 新年發新年財!!!

豆豆,妹豬,bobo,毛毛,噹噹,呀BE

年初一

每年農曆大年初一,親親戚戚都會先到婆婆家拜年食飯,再到大姨媽家發新年財.當然我地0既狗狗都唔例外啦,一年一次嘛,我家的豆豆也要到她的媽媽家拜年呢!你睇下白色呢隻係"毛毛",本來好瀟洒ga,後來結紮左就變左肥仔lu. 呢日有6隻松鼠,1隻西施,7隻狗!!

開 工 大 吉

開 工 大 吉

放完一個長長的新年假, 真係美妙..嘻嘻..真係發覺自己唔係好適合番工..^~^""

恭 喜 發 財

祝各位 豬年行大運

北京路

呢條係北京路,係公司同事叫我去逛,佢話好多野睇喎.果然行左一整天都行唔晒,隨左多野睇,仲好多人..癲左…最後雙腳麻痺先識番酒店拎行李坐火車番香港. 最搞笑係..大家都洗晒身上的人民幣,僅有30蚊,唔夠錢坐的士,廣州司機唔收港幣GA.結果要拖住D行李坐地鐵去火車!!肚餓都唔敢買野食,要捱到上火車用港幣買飯食TIM. N_N""

39蚊的保養!?

在廣州一間專賣呢隻公仔野的專門店:

妙齡女子 "你可唔可以拆左裡面d紙比我揹下,襯下!?"

妙齡sales "好呀,等等"

妙齡女子在鏡前照來照去....

sales姐姐 "呢款袋好容易襯,而且呢隻皮幾好ga,第時你用舊左,番嚟我地可以免費打蠟!宜家好抵買,39蚊"

突然間有隻烏雅係女俠頭上飛過.
第1點解呢個粉紅色袋會有人買,仲要係用嚟襯野喎!?
第2點解個sales話呢隻皮唔錯,佢明明就係一個”膠”袋,點會係皮呀!?
第3點解膠袋可以打蠟唸? 點解39蚊0既粉紅膠袋會有保養!?
匪夷所思.....v_v"

珍 禽 異 獸 ~ 茄華勿看(有危機品)!!!

第2日,我地就離左團,自己遊廣州.其一是因為我地要行街,其二因為第2日的行程勁廢,其三女俠弟同d團友唔夾呀!我唔想有不愉快的事情發生,所以盡早離團. 嘻嘻..一大早細路就帶我地坐地鐵去"花地灣"睇野, 睇咩,咪係d珍禽異獸. 見唔見到呀,d龜好似蜆0甘多呀...好鬼誇張.千其百怪,咩都有,勁多水族野買. 見唔見到呢條紅當當0既魚,價值9800.發神經. 行多幾步路仲有孔雀,會養大的迷你豬,奀仔,兔仔,雀仔,倉鼠仔......目不暇給耶!

8蚊宵夜

水餃,雲吞 ~ $3

"3蚊粒水餃? 3蚊有幾多粒呀?"

"3蚊有11粒,水餃雲吞都係!!!!"

"青菜陽春麵 $2蚊 "

^.^ ^_^" >o<" @.@"""

4個人4個O嘴....

結果我地4個人外賣左8蚊的宵夜番酒店.

情 人 節 快 樂

有情人快樂,無情人更快樂!

廣州十甫假日酒店

呢間十甫假日酒店係我呢次旅程中最期待的.因為我地之前想住長隆酒店(想同白老虎食早餐嘛!)但係好貴喎!後來睇其他PACKAGE見到有住呢間十甫(準五星).上網CLICK下啦,見到有人POST相上去,超吸引喎!點知果然唔係"浪得虛名",真係超大,個廁所大個我個房!!因為開業唔夠1年,所以好新淨. 誠意推介!!