泰 開 心 DAY 3 (24/2)

呢日我地從芭堤雅出番曼谷,沿途就去番上次些地方,餵象騎馬車射槍,熱到死呀!睇狗狗表演雖然好開心,但係大家唸下30度底下牠們仲要披住長長的毛髮係呢度表演,有D仲要著衫TIM,後來仲跳埋火圈咁...唸起都熱死啦! 即該唸起豆妹妹,其實我地真係太幸福啦!不過講真呢度的狗仔表演都係D比較年青的人帶佢地,睇起嚟佢地都對D狗仔幾好,唔似睇馬騮表演,帶佢地果D人個個都好似唔食左D馬騮都算偷笑了. 女俠都好鍾意睇動物,但係唔好好似縛住人地條頸或者拎住支棍係人地側邊果D,真係好唔人道.

其實今次呢個團都算唔錯,可能係淡季,所以去邊度都唔係好多人,而且膳食都算唔差(即係D飯餸都夠熱同埋乾淨企理囉!)而呢晚就帶左我地去CENTRAL WORLD,每人給200銖FOOD COURT COUPON.因為呢度價錢唔係貴,所以我們6個人食左好多野都仲有錢餘下,所以到最後每人多買支綠茶拎走!嘻嘻..多人就有多人的好處,因為野食可以share食,可以點多些款.^.^ 呢晚我地去左拜四面佛.因為旅行團聽晚先有得行sumlum night plaza,所以今晚...我地自己先行一轉warm-up下. 就係咁..今晚收獲也不錯!! 但今晚還未找到買狗狗東西的舖頭呢!! 仲有...有人病病地lu..點解!? 因為行得太多街吧!哈哈...呢個人一定唔係女俠啦!^~^"

泰 開 心 DAY 2 (23/2)

之前係台灣同香港真係夠凍了,所以呢日見到太陽仲著埋冰衣,感覺爽透! 佢地要玩呢樣野,係上面兜風,真係咁開心咩! 會唔會吹風吹到頭痛GA!?

我地玩海底慢步呀,女俠弟比海膽支野刺左入肉果度,之後果度D人拎左個玻璃樽同一舊檸檬,唔知點樣,泵下泵下,支刺就唔見左啦!!我地都話係泵左入D肉果度囉..哈哈! 佢地話係泵到粉碎左果支刺喎! 榴槤雖然收盛唔太好,而且貴,不過嚟到又唔可以錯過嘛!

"喂喂..我地宜家去比大家食好野..就係食燕窩同魚翅!!" 無幾耐..我地架車就停係一間好靚的building門口! 有人話" 0華...好靚喎呢度...同上次真係差天共地!!" 女俠話"先生..請看清楚..不是這一間是對面果間!!" 女俠透過玻璃窗指著對面一間毫不起眼的餐廳! 有人馬上 @.@!!!!!! 哈哈哈!不過今次呢間都算乾脆企理ga la.




呢度真係好靚呀!下面就係沙灘, 地方好大,椰林樹影,襯埋d燈同蠟燭,仲有live band,氣氛好好! 就係我地食得興高采烈的時候,見到待應生突然整裝待發咁裝飾隔離張台,擺左束好靚0既花,同埋set晒好靚的酒杯,仲係一個位置後面set左把風扇喎! 咩人嚟呢? 咁大陣仗. 無幾耐就有人嚟啦,有1個帶左黑超著桃紅色長裙激似薜家燕的女人坐係把風扇前面,佢地身後仲有個侍應standby咁企係個酒桶隔離tim.好威風喎! 無幾耐…女俠媽媽" 咩人嚟ga,傻傻地ga,頭先對住我笑喎!” “really!?可能佢見你係遊客0卦!你唔好望住人啦!” “係咪咩王族之類,著到咁樣” “影佢相啦,番去問下導遊佢係邊個!” 於是乎女俠就成日係度扮同細路影相然後偷影佢呢! 後來唔知點解見到有d鬼佬同佢要求同佢合照,所以咪問人囉. 原來佢係呢間餐廳同對面間酒店的老闆,而且..佢仲係芭堤雅的歌星嚟ga! “wah..好威喎,你駛唔駛唔駛同佢合照!?” “車..佢頭先係咁望住我笑啦!”
就係咁..我地係泰國過到明星呀!!! ^v^ (如果想睇下呢個明星,請放大細路張相,後面果個女人就係啦!嘻嘻)

令人心動同想抱抱0既"靚女"啊! 女俠都好似呢d鬼佬咁迫入去影佢相囉!呵呵..