剛看到星期日檔案播放有關獵殺野豬一案,本人認為節目內容過於一面倒去宣揚獵殺野豬的行為,令人反感!!節目提及那班什麼自願(義務)獵殺野豬的人士說沒有經費,要每月自己拿出2千元作經費,如何困難,亦訴說在等待獵殺野豬過程中所付出的時間,精神(什麼連呵欠都不敢打)別把自己說得那麼慘吧!看到他們在獵殺野豬後,一大群人跟那死去的野豬合照時,他們的神情是多麼威武,多麼了不起!(真是受不了)這個時候就當那2千元是找野豬做活靶的代價吧,就是這群人用來發洩的途徑吧!所以請別要再訴說這是"義務"的工作!!我明白這些野豬對當地村民帶來的威脅,但節目內的專家也有說野豬本身是不會主動攻擊別人,只是當別人攻擊牠才自衛,這是動物基本求生的方法.野豬就像流浪狗一樣,只因沒人理會不斷繁殖才會衍生出這麼多的問題.別一味認為只要殺人全家就會得到安寧.這只能治標並不治本.速請政府做的,不是給你們經費去"實彈獵殺野豬",而是真正找出根治的方法..而我相信根治方法絕不會是任意拿著槍去殺人全家.這是極之不人道的. 我深明這些問題,要我們香港政府解決是件不容易的事,這樣說開來也未必得什麼的回響, 只是站出來代這群野豬說一點話吧!別一面倒當牠們是怪物一樣.
我們下一代的小孩在看著我們幹的事.請人道一點吧!
p.s 琴晚我地一邊睇一邊議論紛紛...最後女俠同細路都認為應該發表一下.
關於我
- 蓋世女俠
- 年少時 我是孤獨女俠 喜歡在高處冷眼觀看不停穿梭的陌生人群 她們愚笨 貪婪 膚淺 固執 勢利 軟弱並且醜陋 但她們與我無關 我是武功蓋世的孤獨女俠 我是卓然出眾 不隨波逐流的孤獨女俠 別人與我無關 什麼事都與我無關
MEMORY
www.flickr.com
This is a Flickr badge showing public photos from duo_duo_mui. Make your own badge here.
蓋世之作
LOVE
mr. tseng & sitor
2 則留言:
基本上你講嘅我尋晚同Kelvin邊睇節目邊有討論講,我甚至乎同Kelvin講不如叫政府開個野豬樂園養起佢地囉!呢樣當然無可能啦!香港大把窮人,政府連人都未顧得掂邊有能力去攪呢d嘢? 根本香港政府就係廢柴!乜撚嘢都唔識做, 淨係一味識吹水齋講唔做!不過,呢單嘢呢排講完又講但係最終亦都只會不了了之,因為根本唔係第一次發生呢 d 事嘛!
不過,作為鄉村居民嘅我,就要表示吓我地呢d做住鄉村嘅人嘅意見呢! 你其實又點會明白我地呢d住係比較偏僻嘅鄉村居民嘅感受呢? 我當然明白話野豬唔會無啦啦走去攻擊人類,但係當佢地餓到無哂嘢食嘅時侯,佢地可能真係會闖入民居喎! 你地住高樓大廈嘅當然唔會明白! 你亦無可能想像到會有一日有野豬會搭電梯上嚟你屋企搵嘢食吧? 但係鄉村就唔同, 一打開屋企門口就已經係花園or 街ga 喇!佢地要衝入嚟真係一d都唔難!
換反轉頭如果你住係村屋,你屋企又有小朋友又有小狗狗,你覺得到時你會顧慮人道問題還是你家人&狗狗嘅安全?!
個d什麼義務野豬隊面目可憎,但係,如果你受到威脅嘅時候,政府又幫唔到你,最終都只係得呢班大叔幫你,相信到時你唔會得閒理佢地d咀臉有幾衰,相反係多謝佢地都嚟唔切!
新界鄉村好多地方同你地住高樓大廈嘅好唔同! 你地塞車可能係交通意外,我地呢d住村嘅,可能係因為有d野生黃牛、野豬攤在係馬路中間亦可以攪到大塞車!呢d嘢你地又知唔知道吖?
野生的動物當然有佢地生存嘅權利,但係上山面嘅山貓、山狗、山豬你正面接觸過佢地未?你知唔知野生嘅同屋企養,甚至流浪狗有幾大分別?佢地要係野外生存就充滿獸性,我地屋企養嘅 even 係我條村入面周圍遊蕩嘅狗狗一d都唔同嘛!因為佢地同人類接觸得多,已經算係順服哂亦已經失去野外求生嘅能力!一隻成年嘅野豬佢地嘅體重係有成80公斤!你試問要用幾多人力物力先可以捉佢地去做絕育手術? 政府連個d只有20-40公斤個d流浪狗都攪唔掂呢!
我個人意見只係想表達,當你覺得自己嘅人生安全受到威脅嘅時候,你咪依家堅守同樣嘅觀點?
如果每樣生物都有自己生存嘅權利,點解我地繼續食豬、食牛、食雞? 豬同野豬都係一樣,點解我地仲去食豬扒? 換轉講我地係咪剝奪佢地生存嘅權利?!茹素嘅人都可能話緊我地好唔人道ga喎!
你覺得呢?
嘩..嚇死我咩!寫咁長..!呢..你屋企果頭有無野豬呀?你唔駛咁激動耶..
我只覺得呢個節目完全係鼓吹獵殺野豬.那班咀臉很臭的大叔在肆意獵殺牠們時,令我想到他們也可以肆意殺其他動物.還有他們意氣風發的樣子!! 我明白,如果有天呢d野豬把我豆豆殺掉,我一定發瘋殺掉牠們!!但係..係咪真係要係呢d事發生前將佢地殺晒,殺晒佢地就係唯一解決既方法呢!? 我無咁偉大要求眾生平等,只係我覺得他們用的方法太過殘忍. 凡事都應應該留有餘地的呀!!!!
發佈留言