家有喜喜事 - 上頭

終於等到啦...我們這一家又再一次舉行喜喜事,今次是表妹珊珊啊! 她是比我遲3天出世啊,就這樣女俠就多做了表姐了.我們也算是由細玩到大的.雖然後來長大了,各有各的朋友,可是每年我們一定會交換生日禮物的. 所以啊...看見她結婚,真的很感動呢!去年她也有參與我在台的婚禮...^.^

祝你和RICKY(佢老公)白頭到老,永結同心!

呢晚搞搞下..上完頭..食埋湯圓..再等埋龍鳳燭燒完...番到屋企都已經2點30..女俠再試埋第2日著的衫襯埋鞋都已經3點30...第2日要5點30起身呀!! ^o^

陳 生 壽 辰

又係生日會的時間,從南山村慶生回來,繼續...切餅. 女俠較早前做的餅啊! 呵呵...一物二用! 至於生日禮物...等"真先爭"嚟先啦! ^.^ 因為無蠟燭的關係,我地拎左停電先用的西瓜蠟燭(呢個蠟燭我記得係BC送比我ga..好多年前) 0拿0拿..睇唔睇到..媽媽又擺d野係個蛋糕旁邊充撐場面,就係榴槤同芒果布甸!!哈哈..我屋企真係慶ga...

~~茄華好...媽媽話下次唔駛送禮啦,食餐飯咋嘛!!

上了年紀!?

我真的上了年紀嗎? 事有湊巧,這個星期娛興節目排得密密麻麻,星期2的8號風球冒著風雨跑到婆婆家吃舅舅帶回來的新鮮手信. 星期3晚撐著雨傘(卻一滴雨也沒有)跟好友在大排檔聚餐. 來到今天星期四,已經感覺到體力有點透支,下班後眼皮更是沉重!!

看見BC,"嘩..你個樣就嚟訓著喎!" "係呀.好支力,快D去開房,坐一陣就無事!"
~~~~~~~~~~~~~~~~
路途BC已經不斷開始講佢D好搞笑0既野..笑笑之後,我個魂頭其實已經開始番嚟..
接著我呻下公司谷氣事, BC當然會向我發一輪功,雖然她的話無咩意義,但心情好左小小
BC"有林峰呀,愛不疚,哈哈.." "0下..唱佢..我驚比茄華罵呀!"茄華 "..係你地好快D點呀,拿拿聲唱完佢!" "佢真係整容GA...以前都唔係咁!" BC"佢似唔似我表弟呀?" "下..你表弟靚仔D..哈哈"
"下..唔係嘛, 佢靚仔好多呀!?" 我跟茄華對望然後爆笑 ^0^"唔係嘛,佢靚仔!?哈哈哈..係呀係呀..佢呢D唔算靚仔都唔知邊個算靚仔呀!哈哈.." BC "做咩呀你地,佢好醜樣咩,有無搞錯呀!" "我唔知..我鍾意王喜GA!" BC"咁我問你地,黃宗澤靚仔定佢靚仔!?" 我跟茄華都相視一眼"唔知..唔夠膽講..哈哈!" ...其實呢個時候我地已經笑到死左...之後BC突然爆左一句 "你地真係上左年紀啦!宜家D靚妹仔好鍾意佢GA!" -_ -"""" 哈哈哈哈...我X你,我唔X你都唔XXX,哈哈..好HURT呀,你居然為左一個男人而咁HURT你D朋友!" 你為左林峰而傷害我地的友誼..哈哈哈!!" "恩姐係係度話緊佢仲係靚妹呀!!哈哈" 場面陷入一片混亂....
~~~~~~~~~~~~~~~~~~
BC"你知唔知果個大咖哩啡,同騰麗明傳緋聞果個" "啊..我知.咩鴻果個,又做咩!?" "我老公同事話似我老公喎!!" "哈哈..唔係嘛,你老公靚仔D!" "你睇下呢張相,我老公帶左新太陽眼鏡,咁睇咪似囉!哈哈" (係因為咩都遮住晒...^V^)
~~~~~~~~~~~~~~~~~~
BC"我D同事話同我有代溝,車..我心唸你都26歲啦,好後生咩!" "好心你啦,你唔好成日同人講你幾老啦,你駛咩同人講你幾歲啫!" "我無呀講呀!" "係囉..佢無講,佢淨係同人講我1979年出世GA!哈" "唔係..唔係..佢同人..我屬羊GA!"哈哈
~~~~~~~~~~~~~~~~~~
就係咁,我過左一個好RELEX的晚上,呢個星期積埋的壞心情被趕走了!!

朋友,真係好想話比你知,歲月一定會流走,每一個人都會成長,都會年老,你口中17歲的妹妹都總有天會變30歲的. 所以..真係無相干,最重要過得開心!今日農曆生日的我,29歲的女俠過得好快活啊!呵呵..

不過喜歡林峰,我想真的不關年紀事吧!!!!哈哈哈

O.BABY.BALL.BIRTHDAY~1 year old

1歲啦! baby ball1歲生日快樂.要健健康康,快快樂樂啊! 女俠好開心有機會見証你的成長啊!

謝謝你的月餅啊!

joanne姐姐好有心機咁整左狗仔月餅給我家的小狗啊! 仲整埋比茄華好家裡的小狗(係小肥狗) ^.^豆妹今次好捧場呀,食左半個呀!至於妹豬,佢話唔係人食,所以佢唔食喎! 呢個月餅真係好似,有晒咸蛋黃(蕃薯蓉),媽媽話好盞鬼啊!^.^

要 健 康 啊!

前一陣子豆豆妹唔舒服...萬幸好彩情況唔係最壞果種, 要多留意她的起居飲食, 要記住啊..唔可以再比咁多垃什野佢食啦! 我知的, 她已經11歲幾, 醫生說係人的80歲幾喎, 年紀不少了, 你年老的事實我已經知道了, 但是我仍然貪婪地希望你能跟我們過多十個中秋節呢!! 所以..你要健康啊! 起碼你也要看見我生BB吧!? 知道嘛!?

足沐傾心

哈哈..今日係BC生日.
琴晚同佢食完生日飯 (佢話要低調D喎, 因為歲數的問題!!) 傻傻地..

所以我地無特別去唱K慶祝(皆因佢之前一晚已經唱到把聲爛左) (而經過上星期六的通宵,我也未回魂過來呢!?)
所以我地揀左一間CAFE靜靜地咁食呢餐生日飯, 回味我們上個月的旅行, 展望下一次的旅程.
晚飯結束,時間尚早...咁去邊好呢? 因為BC成日強調自己好支力隻腳好痛...
所以我地去左按腳, 沒錯, 我們去沐足!! 哈哈..我們去左一間叫 "足沐傾心" 按腳. (延續去泰國晚上的消遺)
所以今年BC生日, 我們在一個好寧靜和舒適的氣氛下度過啊!
呵呵....生日快樂!!
期待茄華好生日的來臨

豆豆在家的一天....

沒錯, 女俠假期在家無所事事, 就跟著無所事事的豆妹一齊無所事事....在房坐一陣,又走到廳抖一抖...慢慢...就睡著了呢!! 呵呵....懶洋洋..旅行後的後遺症!! ^.^""

又係唱生日歌的時候!!

^.^豆豆妹11歲生日呀!今晚哥哥就番唔到嚟同佢吹蠟燭. 所以我地請左豆妹平時D玩伴同佢一齊影大合照. 但係唔知係咪唔習慣面對鏡頭, 佢個樣好尷尬呀!! (心唸..咩料..無啦啦擺我上台!?) ^.^ 佢係咪好靚女呢!? 要健康啊!

台 北 (回家) 2

因為家中的點點(斑點狗)病重,已經好一段時間了,就是醫不好…這兩天還不吃不喝,連牛奶也不喝了. 看來真的…….這天早上就帶到獸醫診所, 因為心絲虫的關係,令到腹部積水不能排出來,由於腹部脹大令到胸骨向上移直接影響呼吸…所以牠現在很難過!! 當時女俠第一個念頭就是..不如讓牠走吧!
我的慨念裡“人道毀滅”就是幫牠打支針等牠睡覺睡覺走… “其實幫狗狗打的不一定是一支.可能係數支..那支藥是麻醉藥..很重的麻藥, 就是一直打一直打..打到心跳呼吸..都停頓為止.. 會辛苦嗎? 應該不會舒服吧!? 後來醫生幫點點用針筒抽腹腔的血水出來, 希望沒那麼影響呼吸, 可以吃回東西. 好不容易送牠回家, 好不容易餵了些牛奶. 就當我們開車往打球的路上, 爸爸突然打電話來說 “點點走了, 不動了.”
“你的狗都待你不錯!?” “為什麼?” “不是嗎?牠們都不會在你面前死呢!” 是怕你傷心嗎?
我會傷心的, 如果你在面前離開, 我一定一定傷心死.,不過我一定會陪著你離開的, 因為我知道那一刻你一定會好害怕,我一定一定會在你身邊的,陪著你,抱著你的!!

PS.在診所見到一個高頭大馬的麻甩佬, 真的,是高頭大馬,又肥又高.但他卻用一個旅行袋裝著一隻超小型的狗仔,就是圖片裡的無助的小狗. 我心想真奇怪,牛龜咁大,完全唔襯呢隻小狗. ^.^後來他一開口就跟醫生說: 這隻小狗是我檢回來的,我想看看牠有否徵片,如果無,我就收留牠了!” “沒有嗎?那我養牠,要檢查一下身體,順便打防疲針,還有..你看看..牠的耳朵好多..” 我才發現小狗耳朵上長滿了肉瘤,還塞著牠的耳朵,難怪牠一直大聲叫,不知牠是否聽不見聲音呢? 醫生 “是..一定要驗一下, 要一段時間..” 男人"好..我下午來接牠走, 我的名字…電話…” 在離開前男人還掏出一千元跟醫生說 “我先付一千,表示有誠意養牠,我一定回來接牠的!” 好感動, 突然間我覺得呢個男人不再肥大的麻甩佬,他是一個很帥的男人呢! 嘻嘻…小狗小狗,很高興你不容再流落街頭了.