19/11 (心緒不寧)

呢日係結婚前夕,忙咩呢? 做過D咩呢? ...真係有點模糊了, 淨係記得呢日要買酒,要載東西到GRACE HILL,要去JENNY SIU FINAL FETTING同埋拎結婚的鎖碎雜物,包括花球同埋禮服,仲有蝦子餅媽媽要試禮服,仲有要去拎車,仲有...要跟兄弟姊妹吃的飯,最後卻迫不得已地取消了.超不好意思啊! V_V" 仲有...夜晚要回媽媽那裡上頭啊! (呢晚我3點才上頭呢!^~^")在親友的見証下,我上頭了呢!? 仲有...酒店打來投訴我們太嘈的電話...結束了今天最壞的心情. 聽日又會是如何呢? 順利嗎? 因為太累的關係,所以壞的心情也影響不了我入睡.......ZZZZZZ!

我要結婚啦!

明天我終於飛啦!
飛去台灣
飛去台灣做新娘.
我不知道會怎樣呢? 一切會順利嗎? 會出差錯嗎?
自從計劃結婚到籌備結婚,所有的事情都好像一下子發生似的.
這段時間都在忙錄中度過.睡也睡得不好!我想在我這28個年頭裡,過得最快算是這一年了.
沒有時間多想自己到底在做什麼,做得對不對! 所有事情都身不由己.
在進行當中,發生了很多,不愉快的,愉快的! 亦因為不斷在忙, 有很多人和事都忽略了.
包括忽略了自己的情緒! 所以當所有事情快要結束的時候,人靜下來的時候,心裡就突然起了很多奇怪的念頭. 為什麼身邊的人都比自己開心呢? 究竟我是否適合結婚呢? 我跟這個人真的會一輩子?未來又會是怎樣? 一切是否太快呢?
^~^ 這些算是婚前恐懼嗎? 我問過結了婚的人,問過還未結婚的人. 好似真的沒什麼頭緒呢!!!!
但事情就是這樣發生了. 要開始的時候可能總會有點不習慣,有點不穩定吧!
但是這段時間裡,我是由心的感激我的家人,我的朋友. 我想沒有他們這個婚禮一定不能進行到現在.
可能進行到一半時我就放棄了. 當然我也感謝曾信章,我相信他的煩惱比我多,但每次我在耍脾氣時,他都會平心靜氣的安慰我(他人就是這樣子了!) 或者就是他的好脾氣令我無從入手吧! ^_^

放心.我想我應該不會跑掉的! 哈哈哈哈.... 好啦!再次感謝所有人,參與台灣婚禮跟未能出席的.
THANK YOU

禮物記

係呢個時刻,家人係最重要ga.女俠大唸頭啦,咩都想自己整, 手花又自己整, 禮物又自己包, 個welcome牌又自己DIY. 唸住特別D嘛,靚D嘛! 但係都晒時間晒我好緊要囉! 呢日闔家搞左成晚都係包左80幾樽咋!! 所以第2天要CALL埋姨媽,表哥佢地上嚟幫忙囉! 哇卡卡..超感激耶! 飲茶食飯.......曾信章0既..哇卡卡....^V^.

婚禮扎

係廣州同事送的! 哈哈..謝謝儂!

my wedding photo (DIY)

呢D結婚相係婚紗公司SEND FILE比我,我自己去沖晒GA,然後DIY落本相簿度,咪睇本野好簡單, 查實一點都唔簡單GA! 因為呢本野係不含 酸性ga,所以可以保存好耐啦..仲有..就係d相可以再除番落嚟都唔用有痕跡,皆因用左佢隻特別膠紙呢...仲有...好貴囉! 哈哈..呢本細細地都要二百幾三百,我仲買左本大的,係用嚟貼係台灣宴客的酒,唸住擺係香港宴客果度比人睇下囉! 大果本好似要四百幾蚊. 平時叫我打死都唔買ga, 不過呢份係我的生日禮物嚟ga,係d朋友仔夾份送比我ga. 咁我梗係揀份對我來說有意義的禮物啦! 相簿對我來講好重要喎! 嘻嘻..

因為我忙東忙西, 直到宜家先有少少時間去整理下過去, up date下我個blog. 唉..好辛苦呀!!

過大禮 27/10

話咁快又過大禮, 初初女俠以為過大禮好簡單,點知原來都有幾多野整GA. 因為我地過大禮的時辰係11點至12點.所以11點前就要準備晒D野,因為菠蘿唔係香港,所以餅呀,濕星野都係屋企人準備.是日的工作人員就有女俠爸爸,媽媽,弟弟,大姨媽同細姨媽, 仲有豆豆妹同妹豬,佢地負責招呼客人果PART.最重要係吠..好重要的角色!哈哈… 7點就起床去街市買野啦. 好彩姨媽係度咋, 佢教我地點做囉! 從早忙到晚, D賓客不斷係我屋企打轉,所以豆妹都不斷咁打圈囉! 最開心果個係佢!!
過完大禮就開始派餅派帖啦! 朋友仔, 等我喎! 因為真係比較忙, 可能未能即時送上帖啊!
謝謝大家. ^.^

努力ing.....

終於都叫做完成左一樣工序,女俠真係唔知道原來印帖要個幾月咁耐,我心唸..咪又係print字咋嘛,每年春茗,女俠都係咁幫老細print請柬啦!! 好快咋嘛!!!

"梗係要印成個月啦,你估淨係得你一個結婚咩,,哈哈..果時我地已經忟水,估唔到你仲忟過我地喎!"朋友仔話. v_v" down晒啦我.. 好彩後尾都比我搵到間可以用兩星期搞店的印帖舖,係長沙灣呀! 幾鬼遠...第1次仲要撞門釘tim.. 樣衰呀!! 好彩..有女俠弟弟女朋友幫手,因為我都唔醒唔起佢係果頭番工,所以佢幫我搞店晒, 對稿,拎帖...辦妥..唔該晒!!

整手花/痴膠花

因為女俠上網見到人地自己DIY手花同簽名筆,好靚喎!所以紙忽痕咁叫弟弟帶我去花墟逛囉! 因為佢成日去果邊GA MA,什麼魚呀,龜呀,雀仔呀..都係呢度附近嘛! 我第1次去咋! 哇..原來假花都可以咁多,仲咁鬼真TIM,嘻嘻..好開心喎!好多材料GA,唔單止有花,仲有聖誕節裝飾,萬聖節裝飾.我叫到個樣衰餅干人差唔多有我咁高,賣千幾蚊呀!仲有D假鹿假雀假乳豬(貴過真GA),假聖誕老人..目不暇及!!

有間叫繽紛仲係幾層GA,裡面有扶手電梯,係威喎!

點呀,D手花整得靚唔靚呀,我要整14朵呀!因為宜家暫時有7個姊妹囉.兄弟我就唔知啦,不過預多好過預少囉! 我都唔知自己點解係咁迫切下仲選擇自己整囉!!^~^" 但真係幾開心0既!果度花...係我女俠弟整GA.係咪好犀利呢! 嘻嘻..我已經落左命令叫佢幫我研究點整支簽名筆啦!你地話2支筆夠唔夠呀?

MY 褂

終於往大陸跑了一倘,女俠本來打算往廣州,但車程太遠車費又貴,如果3個人一起要千幾蚊車費.太浪費了! 所以最終還是去了堔圳老街,順便可以行街街嘛! 呢套野盛惠三千八!! (因為我要兩邊著所以買比較划算嘛,而且將來仲可以借比人tim)

jennysu

這天女俠來到JENNYSU試香港宴客的衫, 在台灣宴客的衫已經揀左啦(已經中計加錢)所以在香港的衫死我都唔願意再加錢啦!!!反正香港都係補擺,可以唔駛咁認真!! 媽媽話嘛”最重要台灣漂漂亮亮就OK啦!”嘻嘻..所以..就係咁啦!
不過香港已經有分店,女俠會再去揀過,睇下香港靚d定台灣靚d.

呢度..我最鍾意係黃色呢套, 本來要加錢GA,但係我堅持唔比囉! 哼…大家都認為紅色那套比較好看喎,你話呢?

婚相側拍

呢個蝴蝶結係女俠係菠蘿造GA.因為帶BOW TIE好WAITER.

嘻嘻..本來係禮服店見到個絲絨好靚GA,但係非賣品,唔租又唔賣.行其他地方都無.擺鬼光自己整,但係原來闊的絲絨帶很難搵GA,終於女俠係文具店買左呢D段帶,係誠品買左個機械熊貓襟章囉! ^~^我好滿意喎! 所以我唸住結婚果日都叫佢帶住耶!!